विरार : मोबाईल खेळताना सातव्या मजल्यावरून पडून साडेतीन वर्षाच्या चिमुकलीचा मृत्यू

वसईच्या पश्चिमेला असलेल्या अग्रवाल कॉम्प्लेक्स मधील रेजन्सी वीला या इमारतीत आज (शुक्रवार) सकाळी सात वाजेच्या दरम्यान घडली आहे.

पोलिसांनी दिलेल्या माहितीनुसार, श्रेया महाजन असे या मुलीचे नाव असून ती मोबाईलवर खेळत असताना बालकनीत गेली आणि तिच्या हातात मोबाईल खाली पडल्याने तो मोबाईल उचलण्यासाठी ती बालकानीच्या रेलिंगवर चढली आणि तिचा तोल जावून ती सातव्या मजल्यावरून खाली पडली तिच्या मानेला जबर मार लागण्याने तिचा मृत्यू झाला.

इमारतीतील रहिवाश्यांनी माहिती दिली की, सात वाजण्याच्या सुमारास श्रेयाची आई तिच्या मोठ्या बहिणीला शाळेत सोडण्यासाठी गेली असताना श्रेया घरात एकटीच झोपली होती. पण ती अचानक उठली आणि मोबाईलशी खेळू लागली. मोबाईलवर खेळताना ती बालकनी मध्ये आली होती, यावेळी ही घटना घडली.

सदर घटनेवरून पुन्हा एकदा इमारतींच्या सुरक्षितेचे प्रश्न ऐरणीवर आले आहेत. कारण सात मजली असतानाही या इमारतीला बाल्कनी मध्ये पूर्ण ग्रील नव्हती, यामुळे ही मुलगी या ग्रील मध्ये चढली आणि तिचा तोल जाऊन ही घटना घडली. जर सुरक्षतेच्या दृष्टीने ही ग्रील (रेलिंग) पूर्ण असती तर श्रेयाचा जीव वाचला असता.