नोटाबंदीनंतर देशभरात निर्माण झालेल्या चलनकल्लोळावर तोडगा काढण्यासाठी केंद्र सरकारने पुढाकार घेतला आहे. सर्वसामान्यांना आता पेट्रोल पंपावरही पैसे काढणे शक्य होणार असून तुर्तास एसबीआयच्या पीओएस मशिन असलेल्या पेट्रोलपंपावर या सुविधेचा लाभ घेता येईल. पहिल्या टप्प्यात देशातील अडीच हजार पेट्रोल पंपावर पैसे काढणे शक्य होणार आहे. पेट्रोल पंपावर दोन हजार रुपयांपर्यंत पैसे काढता येतील.