हुबळी बॉम्बस्फोट प्रकरण : हा माझ्या बदनामीचा प्रयत्न – आमदार प्रकाश आबिटकर

हुबळी बॉम्बस्फोटातील पार्सलसंदर्भात बोलताना प्रकाश आबिटकर यांनी त्या पार्सलशी कोणताही संबंध नसल्याचं सांगितलं. “या पार्सलशी माझा कोणताही संबध नाही. माझं नाव कशामुळं आलं याबद्दल मलाच प्रश्न पडला आहे. हा माझ्या बदनामीचा प्रयत्न असून, यासंदर्भात कोल्हापूरच्या पोलीस अधीक्षक डॉ. अभिनव देशमुख यांची भेट घेतली आहे. या प्रकरणाची चौकशी करून या घटनेमागील सूत्रधाराचा काय उद्देश आहे, ते समोर आणावे, अशी मागणी त्यांच्याकडे केली आहे,”असं ते म्हणाले.