Maratha Reservation: मराठा आंदोलकांनी अतुल सावेंचा ताफा अडवत केली घोषणाबाजी!; पाहा नेमकं घडलं काय?
महाराष्ट्र राज्याचे इतर मागास व गृहनिर्माण मंत्री अतुल सावे हे शहरातील गारखेडा परिसरामधील पुंडलिक नगर भागामध्ये एका कार्यक्रमाला गेले असता मराठा आंदोलकांनी त्यांची गाडी अडवत त्यांना काळे झेंडे दाखविले व जोरजोराने घोषणा देत ‘एक मराठा लाख मराठा’ असं म्हणत सावे यांना घेरलं. सध्या आमदार-खासदार व पक्षाच्या नेत्यांना सर्वच ठिकाणी मराठा समाजाने गाव पातळीवर येण्यास बंदी घातली आहे असे मराठा आंदोलकांनी सांगितलं.
