आम आदमी पक्षाच्या आमदारांना पैशांचे प्रलोभन देणाऱ्या भाजपला दिल्लीत सत्तास्थापनेसाठी निमंत्रित न करण्याची विनंती अरविंद केजरीवाल यांनी नायब राज्यपाल नजीब जंग यांच्याकडे केली आहे. सत्तास्थापनेसाठी सहकार्य करण्याच्या बदल्यात आपचे आमदार दिनेश मोहनिया यांना चार कोटी रुपयांचे आमिष दाखवणाऱ्या भाजप प्रदेश उपाध्यक्ष शेरसिंह डागर यांचे स्टिंग ऑपरेशन आपने केले आहे. या स्टिंग ऑपरेशनची सीडी आम आदमी पक्षाने जंग यांच्याकडे सुपूर्द केली.
