News Flash

वक्फ बोर्डाच्या सीईओची लातुरात ५० लाखांची मालमत्ता उघड

वक्फ मंडळाचे मुख्य कार्यकारी अधिकारी म्हणून कार्यरत असलेले नूर महंमद पठाण यांची लातूर येथे ५० लाख रुपयांची मालमत्ता लाचलुचपत प्रतिबंधक खात्याने उघड केली आहे. लातूर

| July 5, 2013 01:50 am

वक्फ मंडळाचे मुख्य कार्यकारी अधिकारी म्हणून कार्यरत असलेले नूर महंमद पठाण यांची लातूर येथे ५० लाख रुपयांची मालमत्ता लाचलुचपत प्रतिबंधक खात्याने उघड केली आहे. लातूर जिल्हय़ात त्यांची किती मालमत्ता आहे याचा शोध पोलीस घेत आहेत.
वक्फ मंडळाचे मुख्य कार्यकारी अधिकारी नूर महंमद पठाण यांच्यावर नांदेड येथील भाग्यनगर पोलीस ठाण्यात गुन्हा दाखल करण्यात आला आहे. त्यांच्या मालमत्तेचा लातूर येथे शोध घेणे सुरू आहे. नूर महंमद पठाण यांची पत्नी शहनाज पठाण यांच्या नावे पडीले कॉम्प्लेक्सच्या पाठीमागे श्यामनगर येथे उच्चभ्रू वस्तीत तीन मजली भव्य व आलिशान बंगला आहे, ज्याची किंमत ५० लाख रुपये आहे. लातूर जिल्हय़ात त्यांची आणखीन किती मालमत्ता आहे याचा पोलीस शोध घेत आहेत. याकामी लाचलुचपत प्रतिबंधक नांदेड विभागाचे पोलीस अधीक्षक यु. व्ही. देशमुख यांच्या मार्गदर्शनाखाली पोलीस उपअधीक्षक एन. जी. अंकुशकर, पोलीस निरीक्षक अभिमन्यू साळुंके, अशोक गायकवाड, विलास मरवाळे, व्यंकट पडीले, मुक्तार शेख, गोिवद जाधव, बालाजी जाधव, आदी या मोहिमेत सहभागी आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 5, 2013 1:50 am

Web Title: 50 lakhs property open of wakf board ceo in latur
टॅग : Ceo,Property
Next Stories
1 अ‍ॅलाना कंपनीला १५ लाखांचा दंड होण्याची शक्यता; ७७ बालकामगारांची सुटका
2 हुतात्मा माले यांच्या स्मारकाचे काम सुरू; कुटुंबीयांनीच घेतला पुढाकार
3 जालना पाटबंधारे विभागातील चौकशीचा घोळ संपता संपेना!
Just Now!
X