राज्यात सत्तांतरासाठी सेनेची भवानीज्योत मुंबईला रवाना

शिवसेनेचे भगवे वादळ निर्माण व्हावे, असे साकडे मराठवाडय़ातील शिवसैनिकांनी तुळजाभवानीला नवरात्रात घातले. दसरा मेळाव्याला आशीर्वाद देणारी भवानीज्योत जिल्हय़ातील पदाधिकारी व शिवसैनिक घेऊन रवाना झाले.

शिवसेनेचे भगवे वादळ निर्माण व्हावे, असे साकडे मराठवाडय़ातील शिवसैनिकांनी तुळजाभवानीला नवरात्रात घातले. दसरा मेळाव्याला आशीर्वाद देणारी भवानीज्योत जिल्हय़ातील पदाधिकारी व शिवसैनिक घेऊन रवाना झाले. शिवसैनिकांच्या भवानीज्योत यात्रेत आमदार ओमराजे निंबाळकर यांनी ‘आगामी निवडणुकांत काँग्रेसमुक्त सरकार आणू’ असा निर्धार केला.
लातूर व उस्मानाबाद जिल्हय़ांतील सेनेचे ५० तालुका व शहर शाखांचे पदाधिकारी, कार्यकर्ते यांनी तुळजापुरात सहाव्या माळेदिवशी सुमारे ५५ भवानीज्योत आणल्या होत्या. तुळजापुरातील भवानीज्योत शहरप्रमुख सुधीर कदम व बाळासाहेब शिंदे यांनी प्रज्वलित करून आमदार निंबाळकर व ज्ञानराज चौगुले यांच्याकडे सुपूर्द केली. मंदिरात तुळजाभवानीची आरती व पूजा केल्यानंतर पुजारी सुधीर कदम यांनी शिवसेना पक्षप्रमुख उद्धव ठाकरे यांना सुयश चिंतिले. या वेळी ‘जय भवानी जय शिवाजी’च्या गजरात शिवसैनिकांनी मंदिर परिसर दणाणून सोडला. प्रा. रवींद्र गायकवाड यांनी चांदीची तलवार देवीच्या पायाला लावून विधिवत पूजा करून दसरा मेळाव्यात ठाकरे यांना देण्यासाठी जिल्हाप्रमुखांकडे सुपूर्द केली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मराठवाडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bhawanijyot of shivsena send to mumbai for change power in state

ताज्या बातम्या