तालुक्यात जिल्हा परिषदेच्या चार जागांची पोटनिवडणुकीत मांजरी गटातून उमेदवार बिनविरोध निवडून आले असले तरी मालपूर, कासारे, सामोडे या तीन ठिकाणी २३ डिसेंबर रोजी मतदान होणार असून, दुसऱ्या दिवशी मतमोजणी होणार आहे.
मांजरी गटातून विलास बिरारीस यांची बिनविरोध निवड झाली आहे. उर्वरित तिन्ही ठिकाणी दुरंगी, तिरंगी लढती होणार आहेत. सामोडे गटातून राष्ट्रवादीतर्फे रंजना घरटे उमेदवारी करीत असून, काँग्रेसतर्फे तनुजा क्षीरसागर आहेत. मालपूर गटात काँग्रेसचे उमेदवार तात्या भिल, राष्ट्रवादीचे श्यामराव व्याहीच, भाजप उमेदवार साहेबराव भोये यांच्यामध्ये लढत होणार आहे. कासारे गटातून राष्ट्रवादीतर्फे जयश्री अहिरे, काँग्रेसतर्फे रेश्मा सोनवणे, भाजपकडून राजस ठाकरे यांच्यात लढत आहे. या पोटनिवडणुकांमध्ये काँग्रेस व राष्ट्रवादी या पक्षांमध्ये खरी चुरस आहे.