येथील नगराध्यक्षपदासाठी राष्ट्रवादी काँग्रेसकडून छाया गोरे व काँग्रेसकडून मीना शेंडगे यांच्यात सरळ लढत होणार आहे. उमेदवारी अर्ज मागे घेण्याच्या शेवटच्या दिवशी बुधवारी अन्य इच्छुकांनी त्यांचे अर्ज मागे घेतले.
नगराध्यपदाची निवडणूक दि. १ फेब्रुवारीला (शनिवार) होणार आहे. हे पद हे इतर मागासवर्गीय महिलेसाठी राखीव आहे. नगरपरिषदेच्या नुकत्याच झालेल्या निवडणुकीत राष्ट्रवादी काठावरचे बहुमत म्हणजे १० जागा, काँग्रेसला ८ जागा व एका जागेवर काँग्रेसपुरस्कृत अपक्ष निवडून आला आहे. या संख्याबळानुसार नगराध्यक्षपदाची निवडणूक चुरशीने होण्याची चिन्हे आहेत. काँग्रेसने चमत्काराची भाषा सुरू केली असून, त्याकडे शहराचे लक्ष लागले आहे.