केंद्रीय गृहमंत्री सुशीलकुमार शिंदे हे उद्या शनिवारपासून दोन दिवसांच्या सोलापूर भेटीवर येत आहेत. ग्रामदैवत श्री सिध्देश्वर यात्रेत सहभागी होण्यासाठी शिंदे हे कुटुंबीयांसह सोलापुरात दाखल होत आहेत. उद्या शनिवारी सकाळी शिंदे यांचे रेल्वेने आगमन होणार असून त्यानंतर लगेचच सकाळी आठ वाजता उत्तर कसब्यातील हिरेहब्बू मठापासून सिध्देश्वर यात्रेच्या पहिल्या दिवशी निघणाऱ्या नंदिध्वजांचे पूजन शिंदे कुटुंबीय करणार आहेत. नंतर नंदिध्वजांच्या मिरवणुकीचा शुभारंभ शिंदे हे करतील. दुसऱ्या दिवशी रविवारी दुपारी सिध्देश्वर यात्रेतील अक्षता सोहळ्यास शिंदे हे हजेरी लावणार आहेत.
