मीरा-भाईंदरच्या विकासकामांना पैसा नसताना, राज्यात पाण्याची टंचाई, दुष्काळी परिस्थिती अशा स्थितीत करदात्यांच्या पैशावर स्थायी समितीने आखलेल्या १८ लाखांच्या परदेश दौऱ्याला आयुक्तांनी ‘लाल बत्ती’ दाखविल्याने सर्वपक्षीय स्थायी समिती सदस्याांचा हिरमोड झाला आहे.
स्थायी समितीच्या १६ सदस्यांचा मलेशिया-सिंगापूरचा ‘अभ्यासदौरा’आखला होता. आर्थिक मंजुरीसाठी हा प्रस्ताव आयुक्त सुरेश कांकाणी यांच्याकडे पाठविण्यात आला होता. मात्र आयुक्तांनी हा प्रस्ताव राज्य शासनाकडे मंजुरीसाठी पाठवावा, असा शेरा मारून दौऱ्याला लाल बावटा दाखवला. याबाबतचा निर्णय राज्यशासनच घेईल, शासनाने मंजुरी दिली तर आपण हा प्रस्ताव मंजूर करू असे ते म्हणाले.