सोलापूर फिल्म सोसायटीने भारतीय चित्रपटसृष्टीच्या शतकोत्तर वर्षांचे औचित्य साधून ‘विशेष आस्वादन वर्ष’ साजरे करण्याचे ठरविले आहे. त्याचाच एक भाग म्हणून येत्या २५ व २६ जानेवारी रोजी दोन दिवस हिराचंद नेमचंद वाचनालयाच्या सहकार्याने सत्यजित रे, राज कपूर, गुरुदत्त, अनिल विश्वास आदी प्रतिभावंतांचा जीवनपट उलगडून दाखविणाऱ्या दुर्मीळ चित्रपटांच्या रूपाने प्रतिभावंतांच्या आठवणींचा स्मरणरंजन सोहळा आयोजिला आहे.
हिराचंद नेमचंद वाचनालयाच्या वातानुकूलित अॅम्फी थिएटरमध्ये आयोजित या कार्यक्रमात दि. २५ रोजी सायंकाळी ५ ते ७ पर्यंत सत्यजित रे, राज कपूर व गुरुदत्त यांच्या आठवणींवर आधारित काही दुर्मीळ चित्रपट दाखविले जाणार आहेत, तर दि. २६ रोजी सकाळी १० ते १२ पर्यंत अनिल विश्वास आणि सायंकाळी ६.१५ ते ८.१५ पर्यंत आर. डी. बर्मन यांच्या आठवणी चित्रपटांच्या रूपाने जागविण्यात येणार आहेत. याबाबतची माहिती सोलापूर फिल्म सोसायटीचे अध्यक्ष डॉ. नवनीत तोष्णीवाल व सचिव मनोज कुलकर्णी यांनी दिली.
संग्रहित लेख, दिनांक 23rd Jan 2014 रोजी प्रकाशित
सोलापुरात दोन दिवस दुर्मीळ चित्रपटांद्वारे स्मरणरंजन
सोलापूर फिल्म सोसायटीने भारतीय चित्रपटसृष्टीच्या शतकोत्तर वर्षांचे औचित्य साधून ‘विशेष आस्वादन वर्ष’ साजरे करण्याचे ठरविले आहे.
First published on: 23-01-2014 at 01:50 IST
मराठीतील सर्व नगर/पश्चिम महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Solapur film society rare old film amphitheatre