मुंबई हे एक सवरेत्कृष्ट वारसा लाभलेले शहर असून या शहराच्या पर्यटनासाठी महाराष्ट्र पर्यटन विकास महामंडळाला ‘पॅसिफिक एरिया ट्रॅव्हल रायटर्स असोसिएशन’ (पटवा) पुरस्कार देऊन सन्मानित करण्यात आले. बर्लिनमध्ये झालेल्या पर्यटनासंबंधीच्या शिखर परिषदेत एमटीडीसीला हा पुरस्कार देण्यात आला. पर्यटन विभागाच्या सचिन वल्सा नायर सिंग यांनी हा ‘युनायटेड नेशन्स वर्ल्ड ट्रॅव्हल ऑर्गनायझेशन’चे महासचिव डॉ. तालेब रिफाई यांच्या हस्ते हा पुरस्कार स्वीकारला. या संघटनेच्या वतीने देण्यात आलेल्या या पुरस्काराचा आम्हाला अभिमान वाटतो. या पुरस्कारामुळे महाराष्ट्राच्या पर्यटन प्रसिद्धी कार्यक्रमांना आणखी बळ देण्यासाठी आम्हाला प्रोत्साहन मिळेल, असे मत वल्सा नायर यांनी व्यक्त केले.