गावठी दारूप्रकरणी महिलेस अटक

गावठी दारूसह ती तयार करण्याचे साहित्य बेकायदा जवळ बाळगल्याप्रकरणी एमआयडीसी सिडको पोलिसांनी सोमवारी सकाळी एका महिलेस अटक केली. या वेळी तिच्याकडून ६९ हजारांचा माल जप्त करण्यात आला. पोलीस उपनिरीक्षक हेमंत तोडकर यांनी या प्रकरणी फिर्याद दिली. त्यानुसार पोलिसांनी संगीता नंदू तामचीकर (वय ३८, आनंद गाडेनगर, नारेगाव) या महिलेस गुन्हा नोंदवून अटक केली. सोमवारी सकाळी सव्वासहाच्या सुमारास पोलिसांनी छापा टाकून ही कारवाई केली.