विश्वचषकासाठीच्या भारतीय संघात वरुण आरोनचा समावेश नाही. मात्र भेदक मारा करणाऱ्या या गोलंदाजांचा धसका अद्यापही इंग्लंडच्या स्टुअर्ट ब्रॉडच्या मनात आहे. भारताच्या इंग्लंड दौऱ्यात आरोनचा उसळता चेंडू पूल करताना स्टुअर्ट ब्रॉडच्या हेल्मेटमधून नाकावर आदळला. या प्रकारामुळे ब्रॉडच्या नाकावर शस्त्रक्रिया करावी लागली. ब्रॉडला विश्वचषकात आरोनचा सामना करायचा नाही. मात्र त्या अपघाताच्या आठवणी अद्यापही सतावतात, अशी कबुली ब्रॉडने दिली आहे. तो प्रसंग बाजूला ठेवून संघाच्या विजयात योगदान देण्यासाठी क्रीडा मानसशास्त्रज्ञाची मदत घेत असल्याचेही त्याने सांगितले.
