देश-विदेश

Monday, May 27, 2013

देश नक्षलवादापुढे झुकणार नाही व हल्ले करणाऱ्यांना शिक्षा घडवल्याशिवाय राहणार नाही, असे पंतप्रधान मनमोहन सिंग यांनी आज येथे सांगितले. कालच्या नक्षलवादी हल्ल्यानंतर काँग्रेस अध्यक्षा सोनिया गांधी, पंतप्रधान मनमोहन सिंग आदींनी आज छत्तीसगडला भेट दिली, त्या वेळी ते बोलत होते.

Monday, May 27, 2013

लंडन येथील वूलविचजवळ भर चौकात सैनिकाचा शिरच्छेद केल्याप्रकरणी लंडन पोलिसांनी तिघा संशयितांना अटक केली आहे. हे तीनही तरुण विशीतील असून हल्ला करणाऱ्या दोघा इस्लामी दहशतवाद्यांसह कट रचण्यात त्यांचाही सहभाग होता, असा पोलिसांचा कयास आहे. लंडनमधील दहशतवादविरोधी पथकातील पोलिसांनी सशस्त्र अधिकाऱ्यांच्या मदतीने तिघा तरुणांना अटक केली.

Monday, May 27, 2013

स्मार्टफोन अ‍ॅप्सच्या वापरामुळे दिवसाला ८८ मिनिटे वाचतात व वर्षांला २२ दिवसांचा वेळ वाचतो असे एका नवीन अभ्यासात दिसून आले आहे. बाजारपेठ संशोधन आस्थापन असलेल्या हॅरीस इंटरअ‍ॅक्टिव्ह या संस्थेने केलेल्या पाहणीत एकूण २१२० प्रौढांचा अभ्यास करण्यात आला. त्यात असे दिसून आले, की यातील किमान ९७ टक्के लोक हे स्मार्टफोन वापरणारे होते व त्यांच्या स्मार्टफोनवर किमान एकतरी अ‍ॅप (अ‍ॅप्लिकेशन) होते.

Monday, May 27, 2013

प्रचंड उकाडय़ाने उत्तरेकडील राज्यांसह देशातील जनता त्रस्त झालेली असून साऱ्यांच्याच नजरा केरळात दाखल होणाऱ्या मान्सूनकडे लागल्या आहेत. मात्र महासेन वादळ आणि एकूणच हवामानातील अनिश्चिततेमुळे यावर्षी मान्सूनचे वेळापत्रक बिघडल्याचे बोलले जात असून एक आठवडय़ानंतर मान्सून केरळात दाखल होण्याची शक्यता हवामान तज्ज्ञांनी व्यक्त केली आहे.

Monday, May 27, 2013

'संडे हो या मंडे रोज खाओ अंडे' हा आरोग्यासाठी एक चांगला मार्ग असला, तरी सर्वानाचा अंडे आवडते अशातला भाग नाही, अनेकांना त्याचा वास व चवही आवडत नाही मग काय करणार, अंडय़ातील जीवनसत्त्वे व पोषक घटकांविना राहणार.. नाही आता त्यावर व्हेज अंडे तयार करण्यात आले आहे. खास शाकाहारी व्यक्तींसाठी हा अंडे का फंडा केला आहे. हॅम्पटन क्रीक फुड्स या अमेरिकी कंपनीने.

Monday, May 27, 2013

मालडा वैद्यकीय महाविद्यालय रुग्णालयातील बालकांच्या मृत्यूचा आकडा १४ झाला असून शनिवारी रात्री २ बालके मृत्युमुखी पडली. २२ मेपासून या रुग्णालयात बालकांच्या मृत्यूचे सत्र सुरू आहे, मात्र त्रिसदस्यीय तज्ज्ञ चमूने कुपोषणामुळे व कमी वजन असल्यामुळेच या बालकांचा मृत्यू झाल्याचे म्हटले आहे.

Monday, May 27, 2013

जर्मनीतून भारतात आलेल्या एका युवतीवर बलात्कार केल्याप्रकरणी दोषी ठरलेला बिट्टी मोहंती याला केरळ पोलिसांनी अटक करून राजस्थान पोलिसांच्या हवाली केले. बिट्टी हा ओदिशाच्या माजी पोलीस प्रमुखांचा मुलगा असून २००६ मध्ये तो पॅरोलवर सुटला होता. मात्र त्यानंतर तो पोलिसांच्या हवाली होण्याऐवजी फरार झाला होता.

Monday, May 27, 2013

खासदार अथवा मंत्र्यांनी त्यांच्या स्वीय सहायकपदी त्यांच्याच नातेवाईकांची वर्णी लावणे हे काही कायद्याच्या विरोधातील नाही. तरीही या प्रकरणी ज्या काही तक्रारी आहेत त्यांची नोंद राज्यसभेच्या नीतीमत्ता समितीकडे करण्यात आली असून याबाबत ही समितीच काय तो निर्णय घेऊ शकते अशी स्पष्टोक्ती उपराष्ट्रपती हमीद अन्सारी यांनी केली आहे.

Monday, May 27, 2013

राज्य लोकसेवा आयोगातर्फे घेतल्या जाणाऱ्या परीक्षेतून उत्तीर्ण होत सनदी अधिकारी होणाऱ्यांना भारतीय प्रशासकीय सेवा आणि भारतीय पोलिस सेवा तसेच अन्य तत्सम सेवांमध्ये थेट बढती देण्याची पद्धत मोडीत काढण्याचा सरकार विचार करीत असून अशा उमेदवारांना केंद्रीय लोकसेवा आयोगातर्फे घेतल्या जाणाऱ्या परीक्षेला सामोरे जावे लागेल, अशी चिन्हे आहेत.