पिंपरी : नागरिकांशी थेट संवाद साधता यावा, तक्रारदारांची गैरसोय होऊ नये तसेच तक्रारींचा वेळीच निपटारा व्हावा यासाठी पिंपरी-चिंचवड पोलीस आयुक्तालयाच्या प्रत्येक पोलीस ठाण्यात दर शनिवारी तक्रार निवारण दिनाचे आयोजन करण्यात येणार आहे. उद्या शनिवार (१८ मे) पासून हा उपक्रम सुरु होणार असून पोलीस आयुक्त विनयकुमार चौबे यांनी सर्व अधिकाऱ्यांना तसे आदेश दिले आहेत.

पिंपरी-चिंचवड पोलीस आयुक्तालयाच्या हद्दीत १८ पोलीस ठाणे आहेत. पुण्यापेक्षा पिंपरी-चिंचवड आयुक्तालयाची हद्द मोठी आहे. पिंपरी-चिंचवड, चाकण, खेड-आळंदीसह तळेगाव दाभाडे हा औद्योगिक परिसर आयुक्तालयाच्या हद्दीत येतो. अनेकदा नागरिकांकडून येणाऱ्या अर्जावर काहीतरी कार्यवाही करण्यात येत असते. तर, काहीवेळेस यात थोडीफार दिरंगाई होऊ शकते. तक्रार निवारण दिनानिमित्त नागरिकांना तक्रारीवर झालेल्या कार्यवाही माहिती दिली जाईल. तसेच नागरिकांना आपल्या तक्रारी मांडता येतील. नागरिकांच्या तक्रारींचे तातडीने निराकरण करण्यासाठी आयुक्तालयामार्फत विविध माध्यमांद्वारे तक्रारी स्वीकारल्या जातात. यामध्ये संकेतस्थळ, व्हॉट्सअॅप, ई-मेल तसेच प्रत्यक्षरित्या पोलीस आयुक्त कार्यालय, उपायुक्त कार्यालय, सहायक पोलीस आयुक्त कार्यालय, पोलीस ठाणे यांचा समावेश आहे. तसेच शासन आणि वरिष्ठ कार्यालयांकडून वेगवेगळ्या प्रकारचे तक्रार अर्ज प्राप्त होत असतात. या प्राप्त तक्रार अर्जांची मुदतीत व उचित कार्यवाही करून त्याचे निराकरण करणे अपेक्षित आहे. तक्रार अर्जाची वेळेत कार्यवाही न झाल्याने सर्वसामान्य नागरिकांची गैरसोय होते.

jail, company, entrepreneurs,
तुरुंगात जावे लागत असेल तर कंपनीच बंद करू, डोंबिवली एमआयडीसीतील युवा उद्योजकांची उव्दिग्नता
Water, electricity, dangerous buildings,
ठाण्यात अतिधोकादायक इमारतींचा पाणी, वीज पुरवठा खंडीत; आयुक्तांच्या आदेशानंतर पालिका प्रशासनाची कारवाई सुरू
supermax company, workers,
मुख्यमंत्र्यांच्या हस्तक्षेपामुळे ठाण्यातील सुपरमॅक्स कंपनी कामगारांना देणी मिळण्याचा मार्ग मोकळा?
Mumbai Municipal Corporation, bmc, Mumbai Municipal Corporation to Resume Road Concreting Projects, Post Elections, bmc Work Orders, road construction,
मुंबई : रस्तेकामांच्या प्रक्रियेला वेग, महापालिका नव्या कामांची निविदा प्रक्रिया पावसाळ्यात पूर्ण करणार
Biggest Stock Market Scam Parliamentary Committee Demands Inquiry
सर्वात मोठा शेअर बाजार घोटाळा; संसदीय समिती चौकशीची मागणी; राहुल यांचा मोदी-शहांवर हल्लाबोल
Panvel mnc, property tax,
पनवेल महापालिका माजी सैनिकांचा मालमत्ता कर कधी माफ करणार
Take Fire Safety Demonstrations in Hospitals Public Places Prime Minister Narendra Modi order to officials
रुग्णालये, सार्वजनिक ठिकाणी अग्निसुरक्षा प्रात्यक्षिके घ्या! पंतप्रधान नरेंद्र मोदी यांचा अधिकाऱ्यांना आदेश
Entrepreneurs angry over consent letter for relocation in Dombivli MIDC
डोंबिवलीतील उद्योजक म्हणजे शासनाला कल्हईवाले वाटले का? डोंबिवलीतील उद्योजकांचा संतप्त सवाल

हेही वाचा…पिंपरी : मोशीतील कोसळलेल्या होर्डिंगसंदर्भात समोर आली ही माहिती…दोघांवर गुन्हा दाखल

नागरिकांची ही गैरसोय टाळण्यासाठी तसेच नागरिकांना अधिकाऱ्यांकडे आपली कैफियत मांडता यावी, यासाठी सर्व पोलीस ठाण्यात दर शनिवारी सकाळी साडेदहा ते दुपारी दोन यावेळेत तक्रार निवारण दिन होणार आहे. पोलीस उपायुक्त, सहायक पोलीस आयुक्त तसेच ठाणे प्रभारी अधिकारी यांच्या उपस्थितीत नागरिकांच्या तक्रारी सोडविल्या जाणार आहेत. तरी तक्रार दिनाच्या दिवशी तक्रारदारांनी संबंधित पोलिस ठाण्यांमध्ये हजर राहण्याचे आवाहन पिंपरी-चिंचवड पोलिसांकडून करण्यात आले आहे.