23 August 2017

News Flash

एका बाजाराची एकविशी

अर्थव्यवस्था बदलत असताना भांडवली बाजारात घपले घडू लागले, ते टाळण्यासाठी एक छोटे- पण महत्त्वाचे

Updated: November 5, 2014 1:10 AM

अर्थव्यवस्था बदलत असताना भांडवली बाजारात घपले घडू लागले, ते टाळण्यासाठी एक छोटे- पण महत्त्वाचे पाऊल २० वर्षांपूर्वी उचलले गेले. आर एच पाटील यांच्या नेतृत्वाखाली सुरू झालेल्या या नव्या, संगणकाधारित भांडवली बाजाराने – ‘एनएसई’ने २१ व्या वर्षांत सशक्तपणे पदार्पण केले आहे..

मराठी संस्कृतीचा सर्वात दळभद्री असा कोणता गुण असेल तर संपत्तिनिर्मितीस कमी लेखणे. पैसे कमावणे हे जणू काही पापच आहे आणि ते न कमावणारे हेच थोर थोर आहेत अशा स्वरूपाचे संस्कार मराठी मनांवर लहानपणापासूनच होतात. परिणामी जरा कोणी पैसे मिळवणारा वा मिळवताना दिसला की तो नक्की भानगडबाजच असणार अशा स्वरूपाची खात्री मराठी मनामनात आपोआपच होते. त्याचमुळे देशातील सर्वात मोठा भांडवली बाजार, बाँबे स्टॉक एक्स्चेंज, या मराठी राज्याच्या राजधानीत असूनही मराठी पावले त्याकडे वळलीच नाहीत आणि मराठी माणूस त्या बाजारास सट्टाबाजार म्हणून खिजवत आपले भिकार नैतिक दारिद्रय़ मिरवत राहिला. समस्या ही की मराठी समाजातील हा दुर्गुण दूर करण्याचा प्रयत्न करावा असेदेखील कोणा राजकीय पक्ष वा संघटनेस वाटले नाही. मराठी अस्मितेच्या नावाने राजकारण करणाऱ्यांची बौद्धिक कुवत वडापावच्या गाडीच्या आसपासच घुटमळत राहिली आणि स्वत:ची धन करण्यापलीकडे मराठी माणसाच्या संपत्तिनिर्मितीत महत्त्व द्यावे असे या मंडळींना कधी वाटले नाही. मुंबई महाराष्ट्रात राहणार की जाणार अशा काल्पनिक मुद्दय़ांवर लढण्यात या मंडळींना शौर्य वाटत होते. मुंबई महाराष्ट्राच्या सीमांत राहिली खरी पण मुंबई तुमची भांडी घासा आमची, हेच ऐकण्याची वेळ मराठी माणसावर आली. या सगळ्याचा दूरगामी परिणाम असा की मराठी माणूस आर्थिक  संपन्नांच्या सान्निध्यात अजूनही कानकोंडा होतो आणि विपन्नांच्या संगतीतच त्यास हायसे वाटते. तेव्हा या अशा मुंबई नगरीत स्थापण्यात आलेली नॅशनल स्टॉक एक्स्चेंज, एनएसई, ही यंत्रणा आज एकविसाव्या वर्षांत पदार्पण करीत असून तिच्या वाटचालीची दखल घेणे हे या मराठी मानसिकतेवर काही प्रमाणात तरी उतारा ठरू शकेल.
ही अशी दखल घेण्याची अनेक कारणे आहेत. पहिले म्हणजे या एनएसई नामक भांडवली बाजाराने भारतीय अर्थव्यवस्थेतील एका महत्त्वाच्या घटकात शिस्त आणली आणि त्यायोगे बाजारपेठेवरील विश्वास वाढवला. हे झाले तो काळ पाहिल्यास याचे महत्त्व पटेल. हर्षद मेहता नामक व्यापारी सांडाने बाजारात धुमाकूळ घातला होता. भांडवली बाजार आणि बँकिंग व्यवस्था यांतील कच्चे दुवे चतुरपणे हेरत हर्षद मेहता याने भारतातील पहिला मोठा भांडवली बाजार घोटाळा करून दाखवला आणि स्वत:चे आणि त्याचबरोबर अर्थव्यवस्थेचेही अध:पतन घडवून आणले. हा काळ पंतप्रधानपदी नरसिंह राव आणि अर्थमंत्रिपदी मनमोहन सिंग यांच्या असण्याचा. देशाच्या सीमा आर्थिक सुधारणांच्या वाऱ्यांनी मुक्त झालेल्या आणि परकीय भागभांडवल भारताकडे संभाव्य गुंतवणूक गंतव्यस्थान म्हणून पाहू लागले होते. परंतु भांडवली बाजारातील या घोटाळ्याने भारताविषयीच्या विश्वासास मोठाच तडा गेला होता. अर्थात हा तडा घालवण्याचे पुण्यकर्म करणारा हर्षद मेहता ही काही पहिली विभूती नव्हे. त्याआधी दुनिया मुठ्ठी में घेऊ पाहणाऱ्यांनी समभाग प्रमाणपत्रांची बनावट मालिका छापून बाजाराची झोप उडवली होती. त्या काळात समभाग हे कागदी स्वरूपात असत आणि अनुक्रमांकांनी त्यांची नोंद ठेवली जात असे. परंतु या थोर महाशयांनी या अनुक्रमांकांचीच चोरी केली. परिणामी एकाच अनुक्रमांकाचे अनेक समभाग बाजारात उपलब्ध झाले आणि एकच हलकल्लोळ झाला. तेव्हा इतक्या मागास आणि लबाडांना आवतण देणाऱ्या व्यवस्थेत सुधारणा करण्याची गरज वाटू लागली होती. त्यासाठी पर्याय होता बाँबे स्टॉक एक्स्चेंजमध्येच आमूलाग्र सुधारणा घडवणे वा स्पर्धा म्हणून एक स्वतंत्र एक्स्चेंज जन्माला घालणे. यातील दुसरा निवडला गेला. याचे कारण जुन्या पडक्या वाडय़ाची डागडुजी करण्यापेक्षा नवीन इमला बांधणे अधिक सोपे आणि आर्थिकदृष्टय़ा परवडणारे असते. खेरीज नवीन घर हे बदलत्या काळानुसार बांधता येते. त्याचमुळे असे नवीन घर बांधण्याचा निर्णय झाला.
हे नवीन घर म्हणजे नॅशनल स्टॉक एक्स्चेंज. ही घटना १९९२ सालची. म्हणजेच आर्थिक सुधारणांना वर्ष होत असतानाची. त्या वेळी या नव्या घराची चावी कोणाच्या हाती द्यावी यासाठीदेखील मोठा खल झाला होता. या जबाबदारीसाठी लायक व्यक्ती अनेक होत्या तरी लायकीइतकीच निष्ठा आणि बांधीलकी हे गुण असणे अधिक महत्त्वाचे होते. कारण मुंबई भांडवली बाजारात जे काही उद्योग सुरू होते ते पाहता ही नवीन बाजारपेठ पूर्णपणे घोटाळामुक्त असणे गरजेचे होते. या सर्व निकषांवर निवडली गेलेली व्यक्ती ही मराठी होती ही बाब लक्षात घेण्यासारखी आणि एनएसईची विशी साजरी करण्यासाठी आणखी एक कारण ठरणारीदेखील. त्या वेळी आयडीबीआय या बँकेच्या प्रमुखपदी होते एसएस नाडकर्णी. या नाडकर्णी यांनी अनेकांना घडवले आणि त्या घडलेल्यांतील एका व्यक्तीने पुढे नाडकर्णी यांच्या हाताखाली काम न करता स्वतंत्रपणे काही नवे करण्यासाठी आयडीबीआय सोडली. यांच्याचकडे एनएसईची सूत्रे देण्यात आली. रामचंद्र पाटील हे त्यांचे नाव. पुढील काळात आरएच पाटील या व्यक्तीच्या नावावर अनेक आर्थिक संस्थांची नोंद झाली. परंतु या अनेक संस्थांतील मानाचा तुरा म्हणजे एनएसई. या बाजाराने भारतीय भांडवली बाजाराचा चेहराच बदलून तो अधिकच साजिरा आणि आश्वासक केला. कोणत्याही नव्या व्यवस्थेस नाके मुरडणे, तिचे अहित चिंतून ती कशी अपयशी होईल याचे प्रयत्न करणे हे आपल्या समाजाचे लक्षण. त्या लक्षणांना सामोरे जाण्याची वेळ एनएसईवरदेखील आली. लीधो-वेचो करीत समभागांची खरेदी-विक्री करणाऱ्यांचे वर्तुळ एनएसईत कधीच नव्हते. सुरुवातीपासून चोख संगणकीय पद्धतीने व्यवहार करणाऱ्या एनएसईला कधीही बाजारपेठीय गोंगाटाचा स्पर्श झाला नाही. त्या अर्थाने या नवीन पद्धतीत विक्रेत्यांची कलकल, वर्दळ वा गलका कधीच नव्हता. त्यामुळे हा बाजार बाजार वाटायचाच नाही. तेव्हा जन्मल्या जन्मल्या त्याचे मृत्युलेख लिहिले जाणे अपरिहार्य होते.
परंतु ते सर्व फोल ठरले आणि भारतीय कल्पनाही करू शकत नव्हते अशा स्वरूपाचे एक्स्चेंज यातून उभे राहिले. या बाजारपेठेचे यश साजरे करण्याचे आणखी एक कारण म्हणजे या व्यवस्थेच्या निमित्ताने आणखी एका, पूर्ण भारतीय महाकंपनीचा जन्म झाला. एनएसईची स्थापना, तिचे पूर्ण संगणकीकरण, संगणकीय आज्ञाप्रणाली, यंत्रसामग्री आदी प्रचंड पसारा हाताळण्याचे काम अनेक बलाढय़ परदेशी कंपन्या स्पर्धेत असतानाही एका तुलनेने नगण्य अशा भारतीय कंपनीस दिले गेले. ती कंपनी म्हणजे टीसीएस. यातील वैशिष्टय़ाची बाब ही की टीसीएसने या बाजाराची उभारणी दिलेल्या मुदतीच्या आधीच पूर्ण केली आणि अखेर ४ नोव्हेंबर १९९४ या दिवशी एनएसईवर पूर्णपणे इलेक्ट्रॉनिक पद्धतीने, बडय़ा विकसित देशांत होतात तशाच पद्धतीने व्यवहारांस सुरुवात झाली. या काळात वरळीतील एका बडय़ा इमारतीत अत्यंत छोटेखानी खोलीत पाटील यांचे कार्यालय होते. त्यांना भेटावयास गेलेल्या एका उद्योगपतीने ते पाहून अधिक मोठय़ा कार्यालयाची गरज व्यक्त केली. त्यावर पाटील म्हणाले, मोठेपणा विचारात हवा, कार्यालयासाठी एक टेबल आणि संगणक इतकेच पुरेसे असते. जेव्हा जन्माला आले त्या वेळी एनएसईत एका सेकंदात दोन व्यवहार इतकेच व्यवहार होत. सहा वर्षांत त्याची गती एका सेकंदात ६० व्यवहार इतकी झाली. आजमितीला या एक्स्चेंजमध्ये एका सेकंदात तब्बल एक लाख ६० हजार व्यवहार होतात आणि जगातल्या पहिल्या २० एक्स्चेंजमध्ये त्याची गणना होते.
तेव्हा अशा तऱ्हेने पूर्ण भरात आलेल्या, अर्थक्षमतेने मुसमुसत्या या बाजारपेठेचा विसावा जन्मदिन साजरा करणे हे आपले कर्तव्य ठरते. त्याची आठवण करून देण्यासाठीच हा प्रपंच.

First Published on November 5, 2014 1:10 am

Web Title: national stock exchange of india enters into 21th year
  1. मंगेश
    Nov 5, 2014 at 11:27 am
    लोकसत्ता सतत शिवसेनाविरोधी वक्तव्य का करत असते? आज मुंबईत मराठी माणूस ताठ मानेने उभा आहे, तो गरीब असो वा श्रीमंत तो फक्त सेनेमुळेच, लोकसत्ता सारख्या वृत्तपत्राने मराठी माणसाची चुकीची बाजू दाखवावी, पण स्वत: त्यासाठी काय प्रयत्न केले हे पण सांगावे, टीका करण्यात काही गैर नाही, पण तसं करण्या आधी स्वत: काय आहोत हे देखील बघाव. आज मराठी वृत्तपत्र चालवणाऱ्या किती संस्थाचे मालक मूळ मराठी आहेत? कोणाची बौद्धिक कुवत काढण्याआधी जरा विचार करा. जय हिंद, जय महाराष्ट्र.
    Reply
    1. I
      Indian
      Nov 5, 2014 at 10:35 am
      High cl article.... All the best.
      Reply
      1. V
        Vachak
        Nov 5, 2014 at 2:53 pm
        चांगला अग्रलेख ! संपत्तीनिर्मिती ही आजची खरी गरज आहे आणि त्याला पाठ फिरवून काही उपयोग होणार नाही. कितीही सरकारे आली आणि गेली तरी विकास हा आवश्यकच राहणार आहे. मराठीजनांनी यात जरूर बोध घ्यावा कारण नाक्यावरचा गजाचा वडापाव हा नाका ओलांडून जाऊ शकत नाही, पण स्टेशनसमोरचे Mcdonalds जागोजागीच नव्हे तर अगदी परदेशातल्या प्रत्येक शहरात दिसते. तेव्हा मराठी आणि भारतीय मानसिकता बदलणे गरजेचे आहे.
        Reply
        1. M
          mrunal lavekar
          Nov 5, 2014 at 11:13 pm
          अत्यंत आभारी आहोत , खूप छान लेख आणि चांगल्या माहितीबद्दल
          Reply
          1. P
            pravin
            Nov 5, 2014 at 11:05 am
            सुरुवातीच्या काळात रोखे व्यवहारात मराठी भाषिक येऊ शकले नाही त्याला महत्वाचे कारण होते त्या बद्दल असलेले अज्ञान हे होते आणि आहे..प्रवीण म्हापणकर
            Reply
            1. P
              pravin
              Nov 5, 2014 at 2:27 pm
              मंगेश, लोकसत्तेच्या संपादकाने कुठल्याही पक्षाविरुद्ध लिहिलेले नाही, आर्थिक प्रगती मराठी भाषिक मुंबईसारखे शहर महाराष्ट्रात असून तो करू शकला नाही त्याला काहीजण हे अपवाद आहेत. हे सत्य त्यांनी मांडलेले आहे...प्रवीण म्हापणकर
              Reply
              1. P
                Prasad
                Nov 5, 2014 at 10:40 am
                माहितीपूर्ण. लोकसत्ता आर्थिक प्रश्नांची, बाजारपेठेची माहिती वाचकांना सोप्या शब्दात करून देतात ही चांगली गोष्ट आहे. वित्तीय बाजारपेठात यश हवे तर आर्थिक माहितीबरोबर योग्य संपर्क असणेही गरजेचे असते. गुजराती लोकांचे शेयर बाजारात वर्चस्व आहे ह्याचे कारण त्यांचे असणारे बरेच संपर्क, ओळखी.
                Reply
                1. S
                  sachin saware
                  Nov 5, 2014 at 12:43 pm
                  सुंदर अप्रतिम लेख.....ज्ञानाची हि गंगा अशीच सदैव वाहत राहो...
                  Reply
                  1. S
                    Sachin
                    Nov 5, 2014 at 1:23 pm
                    केवळ अप्रतिम अग्रलेख. खरोखर स्वताला मराठी लोकांचा आणि भाषेचा कैवारी म्हणवणार्या पक्षाचे यात काय योगदान असेल याचीच शंका वाटते. त्यांना माहिती तरी असेल का कि अशी काहीतरी संस्था आहे म्हणून?
                    Reply
                    1. S
                      sandesh
                      Nov 5, 2014 at 8:58 pm
                      खूप मार्मिक विवेचन आणि खूप छान माहिती.. धन्यवाद
                      Reply
                      1. S
                        Sudhir Karangutkar
                        Nov 5, 2014 at 2:46 pm
                        अभाय्स्पूर्ण लेख व चांगली माहिती कि एका मराठी माणसाचे योग्य व्याव्स्तापण पण उठ सूट मराठी माणसाना व सेनेला झोडपण्याचे कारण नाही हे काम तुमी वर्तमान पत्र वाके देखील करू शकत होते पण नाही मराठी माणसांसारखे मी मोठा झालो दुसरा होवू नये हि तुम्चीदेखील इच्छा होती न
                        Reply
                        1. S
                          sharad Kulkarni
                          Nov 5, 2014 at 1:20 pm
                          लेख फारच अभ्यासपूर्ण व माहितीपूर्ण वाटला नक्कीच त्याचे कौतुक केले पाहिजे महाराष्ट्रातील बोलघेवडे आणि तथाकथी मराठीची खोटी अस्मिता दाखवून सत्ता पदरात पडून घेणारे आमचे प्रादेशिक राजकीय पुढारी यांचे डोळ्यात आपण औषध घातले ते बरे झाले मराठी मनासाठी काहीच न करता फक्त भाषणबाजी करून आपले व्यक्तिगत फायदा करून घेणारे नेता मंडळीना काहीच फरक पडणार नाही जावू दे जास्त मत व्यक्त करण्यात काहीच अर्थ नाही
                          Reply
                          1. S
                            supriya mahajan
                            Nov 5, 2014 at 8:40 am
                            उत्तम संपादकीय राष्ट्रीय share बाजाराची आवश्यकता होतीच. प्रस्थापितांच्या जोरदार विरोधाला न जुमानता हे exchange अस्तित्वात आले व गुंत्व्नुक्दारांच्या फसवणुकी संपल्या. एक मराठी माणूस हे करू शकला हे अब्मानास्पद्च आहे.
                            Reply
                            1. S
                              supriya mahajan
                              Nov 7, 2014 at 9:22 am
                              on line vyavahar इतर प्रगत देशात सुरु होतेच. ते इकडे अaनाvayas इथल्या सातोदियांचा खूप विरोध होता. गैरप्रकार रोजचेच झाले होते. त्याला पूर्णविराम देण्यासाठी हे पावूल सरकारने उचलले व ते पाटील साहेबांनी यशस्वी करूनदाखीविलेले आहे.. इतर विरोध होत असलेल्या सुधार्नासाम्बाद्धी असेच mhanta येईल.
                              Reply
                              1. S
                                supriya mahajan
                                Nov 7, 2014 at 9:22 am
                                on line vyavahar इतर प्रगत देशात सुरु होतेच. ते इकडे अaनाvayas इथल्या सातोदियांचा खूप विरोध होता. गैरप्रकार रोजचेच झाले होते. त्याला पूर्णविराम देण्यासाठी हे पावूल सरकारने उचलले व ते पाटील साहेबांनी यशस्वी करूनदाखीविलेले आहे.. इतर विरोध होत असलेल्या सुधार्नासाम्बाद्धी असेच mhanta येईल.
                                Reply
                                1. S
                                  supriya mahajan
                                  Nov 7, 2014 at 9:56 am
                                  भावे साहेबांनी nse करिता खूप काही केले त्या बद्दल संपादकांनी ह्या निमित्ताने लिहावयास हवे होते. त्यांची धोरणे सरळ असत. त्यानीं mutual फंड lobine खूप त्रास दिला.व cbi चौकशी मागे लावली.
                                  Reply
                                  1. S
                                    supriya mahajan
                                    Nov 7, 2014 at 9:49 am
                                    मराठी लोक ह्या बाजारापासून लांब असण्याची बरीच कारणे आहेत. ha बाजार फस्व फसवी करणारा होता तो nse स्थापन झाल्यावर पारदर्शी झाला. इथे चिकाटी व ५-१० वर्षे वाट पाह्य्नाची tayari लागते, बर्यापैकी मार्गदर्शन असल्यास उत्त प्राप्ती hou shakate.
                                    Reply
                                    1. उर्मिला.अशोक.शहा
                                      Nov 5, 2014 at 7:27 am
                                      वन्दे मातरम-मराठी मानसिकतेवर अस्मिता पुढार्यांनी केलेले ब्रेन वाशिंग? स्वाभिमानाच्या कुबड्या घेऊन सत्ता देता का सत्ता भिक्षुक नेते मराठी माण व्यवसाय प्रेरणा का देऊ शकले नाहीत ? याचे कारण पराभवात च आहे.मिळेल ते काम करून चार पैसे कमावणारा पाणी पुरीवाल्याचा ख्होमाचा उध्वस्त करणाऱ्या मानसिकते ना व्यवसाय आणि त्यातून साधन संपन्नतेचा मार्ग कसा सापडणार तेथे असावे लागतात जातीचे येर्या गबाळ्याचे काम नोहे.मुंबई मध्ये येउन बाहेरचा कमवू शकतो मग मुंबईतील मराठी माणूस अचेतन विवेकशून्य ?जागते राहो
                                      Reply
                                      1. उर्मिला.अशोक.शहा
                                        Nov 5, 2014 at 7:40 am
                                        वन्दे मातरम-मुंबई,भांडवल असो नसो कमावण्याची पंढरी.जगातील सर्व जातीधर्माच्या लोकांचे व्यवसाय विनिमय होत असलेल्या मुंबई मध्ये मात्र मराठी माणूस भुका प्यासा का आणि कसा? हा फार मोठा विषय आपण प्रेरणा दिलीत त्याने मराठी मानसिकता जागृत व्हावी व्यवसाय करून साधन संपन्न व्हावेत रुपया निर्माण करावा लागतो जगात फुकट काहीच मिळत नसते वस्तू आणि सेवा चे निर्धारित मूल्य चुकावावेच लागते मतांच्या राजकारणाने फुकट ची संस्कृती जोपासून मराठी मानसिकतेची दुर्दशा आणि दिशा भूल केली व्यवहारी वास्तवाला दुर्लक्षून चालणार नाही
                                        Reply
                                        1. U
                                          Ulhas Sahasrabudhe
                                          Nov 7, 2014 at 12:21 am
                                          या मार्केटमध्ये मराठी माणूस केव्हा येणार? आजही तो जे काही पैसे आहेत ते पोस्टात ठेवतात. मुंबई कशी मिळणार त्याला.
                                          Reply
                                          1. V
                                            Vaibhav Babar
                                            Nov 5, 2014 at 3:34 pm
                                            खूप छान लेख आहे. पण श्री. पाटील यांच्याबाबत अजून सविस्तर माहिती हवी होती.
                                            Reply
                                            1. Load More Comments