News Flash

महिंद्रमध्ये तीन दिवस उत्पादन बंद

वाहनांना नसलेल्या मागणीमुळे कंपनीच्या प्रकल्पातील उत्पादन तीन दिवसांसाठी बंद ठेवण्याचा निर्णय महिंद्र अ‍ॅण्ड महिंद्रने घेतला आहे.

| May 22, 2014 01:01 am

वाहनांना नसलेल्या मागणीमुळे कंपनीच्या प्रकल्पातील उत्पादन तीन दिवसांसाठी बंद ठेवण्याचा निर्णय महिंद्र अ‍ॅण्ड महिंद्रने घेतला आहे. मात्र कंपनी कोणत्या प्रकल्पात व कोणत्या तारखेदरम्यान उत्पादन बंद ठेवेल, हे स्पष्ट करण्यात आलेले नाही. कंपनीचे महाराष्ट्रातील पुणे आणि नाशिकसह उत्तरेतील हरिद्वार येथेही वाहन उत्पादन प्रकल्प आहेत. कंपनीने तिची उपकंपनी महिंद्र व्हेईकल मॅन्युफॅक्चर्स लिमिटेडमध्येही काम ठप्प ठेवण्याविषयी मुंबई शेअर बाजाराला कळविले आहे. वाहन विक्रीत सतत घसरण नोंदविणाऱ्या महिंद्र समूहाने यापूर्वीही मर्यादित कालावधीसाठी उत्पादन बंद प्रक्रिया राबविली आहे. तर कामगारांच्या आंदोलनामुळे कंपनीला तिच्या नाशिक येथील प्रकल्पातही काही दिवस काम बंद ठेवावे लागले होते. कंपनीने एप्रिलमध्ये १२ टक्के कमी वाहन विक्री नोंदविली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 22, 2014 1:01 am

Web Title: mahindra three day production bandh
टॅग : Mahindra
Next Stories
1 भारतीयांचा सोने-हव्यास संकोचला!
2 सार्वजनिक क्षेत्रातील बँकांच्या खासगीकरणाची गरज नाही: राजन
3 रिझव्‍‌र्ह बँकेची जनाभिमुखता? एक अनुभव
Just Now!
X