मेष:- मनाची चलबिचलता जाणवेल. एकाच वेळी अनेक कामे अंगावर येऊन पडू शकतात. वेळेचे योग्य नियोजन करावे. जवळचा प्रवास घडेल. हातातील कामावर अधिक लक्ष द्यावे. वृषभ:- उत्तम कौटुंबिक सौख्य मिळेल. दिवस छान मजेत घालवाल. मनाची काहीशी द्विधावस्था जाणवेल. घरात धार्मिक कार्यक्रम होतील. आवड पूर्ण करण्यावर भर द्याल. मिथुन:- एकाचवेळी अनेक कामात हात घालू नका. चित्त एकाग्र करण्याचा प्रयत्न करावा. कौटुंबिक खर्च वाढू शकतो. योग्य वेळ साधण्याचा प्रयत्न करावा. घरातील वातावरण शांत ठेवण्याचा प्रयत्न करावा. कर्क:- भावनेच्या भरात कोणतीही गोष्ट करायला जावू नका. फसवणुकीपासून सावध राहावे. सामाजीक जाणीव ठेवाल. अकारण चिंता करत बसू नका. चोरांपासून सावधगिरी बाळगावी. सिंह:- कामातून अपेक्षित लाभ मिळेल. तुमच्या मनातील आकांक्षा पूर्ण होतील. जवळचे मित्र भेटतील. घराचे सुशोभीकरण कराल. उपासनेला अधिक बळ मिळेल. कन्या:- कामाचा उरक वाढेल. वरिष्ठ तुमच्या कामावर खुश होतील. घेतलेल्या कामाचे चीज होईल. नवीन कामाचा आनंद घ्याल. कामातून समाधान लाभेल. तूळ:- व्यावसायिक प्रगती साधता येईल. तुमच्या कामाच्या पद्धतीचे कौतुक होईल. तुमचा मान वधारेल. परोपकाराची जाणीव ठेवून वागाल. दिवस आनंदात जाईल. वृश्चिक:- किरकोळ मानसिक त्रासावर शांततेने मात कराल. उगाच चिडचिड करणे टाळावे. अचानक धनलाभ संभवतो. कफविकारांचा त्रास जाणवू शकतो. काही कामे वेळ घालवतील. धनु:- जोडीदाराचा समजूतदारपणा मनात भरेल. योग्य संधीची वाट पहावी. कामात काही किरकोळ बदल करून पाहावेत. तुमचा जनसंपर्क वाढेल. चारचौघात कौतुक केले जाईल. मकर:- कामाची धांदल उडेल. कलेतून कमाईला चांगली संधी मिळेल. जोडीदाराविषयी गैरसमज करून घेवू नका. हाताखालील लोकांचे सहकार्य मिळेल. आपले अधिकार वापरावेत. कुंभ:- मुलांकडून आनंद वार्ता मिळतील. बौद्धिक खेळ खेळाल. आवडते छंद जोपासावेत. करमणुकीवर भर द्यावा. एककल्ली विचार करू नयेत. मीन:- घरगुती कामे वाढतील. घरातील वातावरण खेळकर असेल. जवळचे मित्र भेटतील. कामात चिकाटी ठेवावी. वादविवादात पडू नये. – ज्योतिषी विद्याधर करंदीकर
