Grahan on 10 August: वैदिक पंचांगानुसार ग्रह ठराविक काळाने आपल्या गोचराने शुभ किंवा अशुभ योग तयार करतात. याचा परिणाम माणसाच्या जीवनावर आणि पृथ्वीवर दिसून येतो.
१० ऑगस्टला राहू आणि चंद्र एकत्र येऊन कुंभ राशीत योग (ग्रहण योग) तयार होणार आहे. या योगाचा प्रभाव सर्व राशींवर होईल. पण या ३ राशींच्या लोकांनी या काळात जास्त सावध राहणे गरजेचे आहे, कारण त्यांना पैशांची हानी होण्याची आणि तब्येत बिघडण्याची शक्यता आहे. चला जाणून घेऊया त्या ३ राशी कोणत्या आहेत.
सिंह राशी (Leo Zodiac Sign)
तुमच्यासाठी ग्रहण योग त्रासदायक ठरू शकतो. कारण राहू आणि चंद्र यांची युती तुमच्या गोचर कुंडलीच्या आठव्या स्थानात होणार आहे. त्यामुळे या काळात सर्दी, खोकला, ताप यासारख्या त्रासांचा सामना करावा लागू शकतो. तसेच कामाच्या ठिकाणी अडचणी येऊ शकतात. कामात हलगर्जीपणा करू नका. वाहन चालवताना काळजी घ्या, कारण अपघात होण्याची शक्यता आहे.
वृश्चिक राशी (Scorpio Zodiac Sign)
ग्रहण योग वृश्चिक राशीच्या लोकांसाठी नकारात्मक ठरू शकतो. कारण राहू आणि चंद्र यांची युती तुमच्या राशीच्या सहाव्या स्थानात होणार आहे. त्यामुळे या काळात तुमचे गुप्त शत्रू तुम्हाला त्रास देऊ शकतात. तसेच महत्त्वाची कामे अडथळ्यामुळे थांबू शकतात. या काळात तुमच्या आरोग्याकडे विशेष लक्ष द्या. वादविवाद टाळा आणि कुणालाही उधार पैसे देणे टाळा. या काळात तुमचं जीवनसाथीसोबत थोडे मनमुटाव होण्याची शक्यता आहे. म्हणून धन उधार देण्यापासून दूर राहा.
मीन राशी (Pisces Zodiac Sign)
ग्रहण योग तुमच्यासाठी थोडा त्रासदायक ठरू शकतो. कारण हा योग तुमच्या राशीच्या बाराव्या स्थानात बनणार आहे. त्यामुळे या काळात तुमचा अनावश्यक खर्च होऊ शकतो आणि तुमचा खर्चाचा अंदाजही बिघडू शकतो. याचसोबत तुम्हाला मानसिक तणाव देखील येऊ शकतो. या काळात तुम्ही कोणतीही नवीन डील फायनल करू नये, कारण तोटा होण्याची शक्यता आहे. तसेच नवीन काम सुरू करण्याचाही विचार करू नका. या काळात तुम्हाला प्रवास करावा लागेल, पण तो प्रवास निरुपयोगी ठरेल.
