Chanakya Niti for Married life: आचार्य चाणक्य यांची गणना भारतातील सर्वोत्तम विद्वानांमध्ये केली जाते. ते एक कुशल राजकारणी, मुत्सद्दी आणि रणनीतीकार असण्यासोबतच अर्थशास्त्राचे तज्ज्ञदेखील होते. समस्या टाळण्यासाठी लोक अनेकदा चाणक्य नीतीचा अवलंब करतात. महान अर्थतज्ज्ञ आचार्य चाणक्य यांनी नीतिशास्त्राची रचना केली आहे, ज्यामध्ये त्यांनी संपत्ती, मालमत्ता, महिला, मित्र, करिअर आणि वैवाहिक जीवनाशी संबंधित अनेक गोष्टींचे सखोल वर्णन केले आहे. चाणक्यजींनी नेहमीच त्यांच्या धोरणांनी समाजाला मार्गदर्शन केले आहे. असे मानले जाते की, जी व्यक्ती आचार्य चाणक्यांच्या धोरणांचे पालन करते, त्याच्या जीवनात मोठी प्रगती होते.

आपले वैवाहिक आनंदी जीवन जर चांगले घालवायचे असेल, तर आपण आचार्य चाणक्य यांनी सांगितलेल्या गोष्टींचा अवलंब केला पाहिजे. वैवाहिक जीवनात जर काही चुका झाल्या तर आपले जीवन उद्ध्वस्त होऊ शकते. आचार्य चाणक्य यांनी त्यांच्या नीतिशास्त्रात पती-पत्नीच्या नात्याबद्दल काही गोष्टी सांगितल्या आहेत, ज्यामुळे अनेकदा वैवाहिक जीवन उद्ध्वस्त होते. या कोणत्या गोष्टी आहेत आणि त्या कशा टाळता येतील, जाणून घेऊया…

‘या’ चार गोष्टींमुळे वैवाहिक जीवनात होतात कलह

१. अहंकारामुळे नाते कमकुवत होते

आचार्य चाणक्य यांच्या मते, पती-पत्नीमधील नाते कमकुवत करण्यात अहंकार सर्वात मोठी भूमिका बजावतो. चाणक्य मानतात की, पती आणि पत्नी दोघेही नात्यात समान आहेत, या नात्यात अहंकाराला स्थान नाही. एकदा नात्यात अहंकार आला की ते नाते बिघडते. वास्तविक, अहंकारामुळे ती व्यक्ती समोरच्या व्यक्तीच्या भावनांचा आदर करत नाही, त्यामुळे नाते संपुष्टात येते.

२. शंकेवर कोणतेही औषध नाही

चाणक्य मानतात की, पती-पत्नीच्या नात्यात संशयाला जागा नसावी, कारण शंकेने अनेकदा नाते बिघडते. नात्यात शंका आणि गैरसमज निर्माण झाली की ते पूर्णपणे तुटते आणि परिस्थिती घटस्फोटापर्यंत पोहोचते, त्यामुळे यात शंका नसावी.

३. कोणतेही नाते खोट्यावर चालत नाही

आचार्य चाणक्य यांच्या मते खोट्याच्या आधारावर कोणतेही नाते चालू शकत नाही. नात्यात खोटे बोलले की त्यात अडचणी येऊ लागतात. अशा स्थितीत पती-पत्नीच्या नात्यात कधीही खोटे बोलू नये.

४. आदरांचा अभाव

चाणक्य मानतात की, पती-पत्नीच्या नात्यात आदर आणि सन्मान नसल्यामुळे हे नातेही तुटण्याच्या मार्गावर येते. या नात्यात दोघांबद्दल आदर आणि सन्मान असणं खूप गरजेचं आहे.

This quiz is AI-generated and for edutainment purposes only.

(Disclaimer – या ठिकाणी दिलेली माहिती प्राप्त माहितीवर आधारित असून ती केवळ माहितीसाठी दिली जात आहे.)