Things Never Share According to Chanakya: आचार्य चाणक्य नाव ऐकलं की बुद्धी, राजकारण आणि धोरणांचा अनोखा संगम डोळ्यांसमोर उभा राहतो. हजारो वर्षांपूर्वी जगलेला हा महान ऋषी आजही आपल्या ‘नीती’मुळे प्रत्येक काळात तितकाच सुसंगत ठरतो. राजांना साम्राज्य जिंकायला मदत करणारा आणि सामान्य माणसालाही जीवन कसं जगावं हे शिकवणारा हा विचारवंत आज पुन्हा चर्चेत आला आहे… कारण त्यांनी सांगितलेल्या ‘या तीन गोष्टी’ कधीही कोणालाही सांगू नयेत, नाहीतर त्याचे परिणाम आयुष्यभर भोगावे लागू शकतात.
होय, चाणक्यांनी अगदी ठाम शब्दांत सांगितलं आहे की काही गोष्टी मनात ठेवाव्यात, मुखातून नव्हे! कारण एकदा या गुपित गोष्टी बाहेर गेल्या की त्यांचा वापर तुमच्याविरुद्धही होऊ शकतो. चला पाहूया त्या तीन धोकादायक गोष्टी कोणत्या आहेत.
१. वैयक्तिक आयुष्याच्या गोष्टी “घरातील भिंती बोलत नाहीत, पण लोक बोलतात!”
चाणक्य सांगतात, कधीही आपल्या वैयक्तिक नात्यांबद्दल, विशेषतः पती-पत्नीमधील भांडणं, मतभेद किंवा गुपित गोष्टी इतरांना सांगू नका. कारण लोक ऐकतात, पण अशा गोष्टी भविष्यात तुमच्याच विरोधात वापरल्या जाऊ शकतात, म्हणून आपल्या घरातील गोष्टी घरातच ठेवा, बाहेर नाही.
२. गुप्त दानाविषयी शांत राहा, “दानाचं गुपित सांगितलंत तर पुण्याचं मूल्य हरवतं.”
चाणक्यांच्या मते, दान हे अत्यंत पुण्याचं कार्य आहे, पण त्याची जाहिरात करणं पापासमान आहे. जर तुम्ही गुप्त दान केलं, तर त्याचा उल्लेख कुणाजवळही करू नका, कारण ते दान मग अहंकाराचं प्रदर्शन बनतं. खरं पुण्य तेच, जे कुणालाही माहीत नसतं.
३. आपलं खरं वय सांगितलंत की लोक तुमचं मोजमाप सुरू करतात!
हो, हे ऐकून तुम्हाला हसू येईल, पण चाणक्य यामागे मोठं तत्त्व सांगतात. वय उघड केल्याने लोक तुमचं मूल्यमापन ‘संख्येने’ करू लागतात, ‘कौशल्याने’ नाही. वय गुपित ठेवलं, तर तुम्ही नेहमी तरुण, ऊर्जावान आणि आत्मविश्वासू वाटता.
चाणक्यांचं तत्त्व साधं आहे, काही गोष्टी मनात ठेवलेल्याच चांगल्या, कारण जग तुमचं ऐकायला नाही, तर बोलायला तयार असतं; म्हणून पुढच्या वेळी कुणाशी बोलताना थोडं थांबा… कदाचित चाणक्य तुमच्या कानात हळूच सांगतील, “ही गोष्ट सांगू नकोस, अन्यथा नशीबही तुझ्यावर हसेल!”
(Disclaimer – या ठिकाणी दिलेली माहिती प्राप्त माहितीवर आधारित असून ती केवळ माहितीसाठी दिली जात आहे.)
