Sankashti Chaturthi Special Zodiac Sign Horoscope : आज १० ऑक्टोबर २०२५ रोजी अश्विन महिन्याच्या शुक्ल पक्षातील चतुर्थी तिथी असणार आहे. आज वज्र योग जुळून येईल आणि भरणी नक्षत्र जागृत असणार आहे. राहू काळ १ वाजून ३१ मिनिटांपर्यंत सुरु होईल ते २ वाजून ५७ मिनिटांपर्यंत असणार आहे. अभिजित मुहूर्त ११ वाजून ४१ मिनिटांनी सुरु होईल ते १२ वाजून २७ मिनिटांपर्यंत असणार आहे. आज करवा चौथ असणार आहे. त्याचबरोबर आज संकष्टी चतुर्थी सुद्धा असणार आहे. तर शुक्रवारी तुमच्या दारी कोणत्या रूपात सुख येणार जाणून घेऊया…

१० ऑक्टोबर २०२५ पंचांग व राशिभविष्य (Aajche Rashi Bhavishya In Marathi 10 October 2025 )

दैनिक मेष राशिभविष्य (Aries Horoscope Today In Marathi)

आपली चिडचिड इतरांना दाखवू नका. संयम बाळगून वागा. नकारात्मक घटना फार मनावर घेऊ नका. कटू गोष्टी अनुकूल करण्याची कला शिकून घ्या. प्रिय व्यक्तीच्या भेटीचा योग.

दैनिक वृषभ राशिभविष्य (Taurus Horoscope Today In Marathi)

धार्मिक ग्रंथांचे वाचन होईल. व्यवसायात नीतिचा मार्ग अवलंबा. आजचा दिवस समाधानकारक ठरेल. नवीन ओळखीतून प्रतिष्ठा लाभेल. अप्रिय व्यक्तींची भेट त्रासदायक ठरेल.

दैनिक मिथुन राशिभविष्य (Gemini Horoscope Today In Marathi)

मित्र व नातेवाईकांशी सलोख्याने वागा. उगाच वाईटपणा घेऊ नका. मौल्यवान वस्तु जपाव्यात. मुलांकडून शुभ वार्ता मिळेल. जुनी कामे मार्गी लावाल.

दैनिक कर्क राशिभविष्य (Cancer Horoscope Today In Marathi)

नवीन कामाकडे लक्ष ठेवा. जे मिळेल ते पदरात पाडून घ्या. सन्मानात वाढ होईल. मुलांच्या जबाबदार्‍या व्यवस्थित पार पाडाल. कुटुंबातील सदस्य चांगली बातमी देतील.

दैनिक सिंह राशिभविष्य (Leo Horoscope Today In Marathi)

कौटुंबिक तिढा सोडवायला मदत कराल. मिळकतीचा नवीन स्त्रोत उत्पन्न होईल. एखाद्या कामासाठी अधिक धावपळ करावी लागेल. बोलण्यातून माधुर्य दर्शवाल. आवडत्या व्यक्तीचा सहवास लाभेल.

दैनिक कन्या राशिभविष्य (Virgo Horoscope Today In Marathi)

जुन्या आजारांवर वेळीच लक्ष द्या. कोणतीही गोष्ट पुढे ढकलू नका. धनसंचयात वाढ होईल. व्यापारी क्षेत्रातील व्यक्तींना अपेक्षित यश मिळेल. चांगल्या गोष्टीसाठी खर्च कराल.

हेही वाचा

दैनिक तूळ राशिभविष्य (Libra Horoscope Today In Marathi)

आनंदाची अनुभूति घ्याल. कार्यालयीन वातावरण अनुकूल राहील. एखादा मोठा व्यवहार पार पडेल. घरातील लोकांचा आनंद द्विगुणित होईल. मानसिक प्रसन्नता लाभेल.

दैनिक वृश्चिक राशिभविष्य (Scorpio Horoscope Today In Marathi)

वडिलोपार्जित धनाचा लाभ होईल. कोणत्याही संशयित कामात अडकू नका. पराक्रमात वाढ होईल. आरोग्याकडे दुर्लक्ष करू नका. अधिक धावपळ झाल्याने आराम करण्यावर भर द्यावा.

दैनिक धनू राशिभविष्य (Sagittarius Horoscope Today In Marathi)

जुन्या धार्मिक कथांचे श्रवण कराल. मन:शांती लाभेल. विरोधक माघार घेतील. एखाद्या व्यक्तीची भेट संस्मरणीय ठरेल. सासरच्या व्यक्तींकडून लाभ मिळेल.

दैनिक मकर राशिभविष्य (Capricorn Horoscope Today In Marathi)

दिवस आनंदात जाईल. जुनी सर्व कामे मार्गी लावाल. आर्थिक व्यवहारात यश येईल. जुने प्रयत्न फलद्रुप होतील. कार्यालयीन सदस्य कौतुक करतील.

दैनिक कुंभ राशिभविष्य (Aquarius Horoscope Today In Marathi)

मानसिक गुंतागुंतीत अडकू नका. विचारपूर्वक पाऊले उचला. निराशाजनक घटना दुर्लक्षित कराव्यात. अडचणीतून मार्ग निघेल. शक्यतो कोणत्याही वादात अडकू नका.

दैनिक मीन राशिभविष्य (Pisces Horoscope Today In Marathi)

घरात नवीन वस्तूंची खरेदी केली जाईल. जुने परिचित लोक भेटतील. भावंडांना मदतीचा हात पुढे कराल. आध्यात्मिक आवड वाढीस लागेल. प्रवासात सावधगिरी बाळगणे हिताचे ठरेल.

ज्योतिषी विद्याधर करंदीकर