Ganesh Chaturthi Special Horoscope Today In Marathi 27 August 2025 : आज २७ ऑगस्ट २०२५ रोजी भाद्रपद महिन्याच्या शुक्ल पक्षातील चतुर्थी तिथी आहे. चतुर्थी तिथी दुपारी ३ वाजून ४४ मिनिटांपर्यंत राहील; त्यानंतर पंचमी तिथी सुरु होईल. आज चित्रा नक्षत्र जागृत असणार आहे आणि शुभ योग, सिद्धि योग आणि रवी योग जुळून येणार आहे. आज राहू काळ १२ वाजता सुरु होईल ते १ वाजून ३३ मिनिटांनी मिनिटांपर्यंत असणार आहे. आज गणेश चतुर्थी २०२५ असणार आहे. आज घरोघरी लाडक्या बाप्पांचे आगमन होईल. गणेश चतुर्थीचा शुभ मुहूर्त सकाळी ११ वाजून ५ मिनिटांनी सुरु होईल ते दुपारी १ वाजून ४० मिनिटांपर्यंत असणार आहे. तर आज कोणत्या रूपात बाप्पा तुम्हाला आशीर्वाद देणार चला जाणून घेऊयात…

२७ ऑगस्ट २०२५ पंचांग व राशिभविष्य (Today Horoscope In Marathi, 27 August 2025)

मेष आजचे राशिभविष्य (Aries Horoscope Today in Marathi)

आज आपल्या सौंदर्याचे कौतुक होईल. जुनी भांडणे मिटतील. धडाडीवर संयम ठेवा. भौतिक सुखाचा आनंद घेता येईल. व्यापारात काही सुधारणा कराव्या लागतील.

वृषभ आजचे राशिभविष्य (Taurus Horoscope Today in Marathi)

मानसिक संतुलन हरवू देऊ नका. पायाच्या दुखण्याकडे लक्ष द्या. काही किरकोळ समस्यांतून मार्ग निघेल. कार्यालयीन सदस्यांशी वादाची शक्यता. मित्रांशी चर्चेतून मार्ग निघेल.

मिथुन आजचे राशिभविष्य (Gemini Horoscope Today In Marathi)

व्यक्तिमत्वाची छाप पडण्यात यशस्वी व्हाल. व्यापारी वर्गाला चांगला लाभ मिळेल. संयमाने व धीराने निर्णय घ्यावा लागेल. मित्रांशी सुसंवाद साधता येईल. वाहनाचे काम निघेल.

कर्क आजचे राशिभविष्य (Cancer Horoscope Today in Marathi)

नोकरी व व्यवसायात मोठी संधी चालून येईल. तुमच्या बाबतीत संशय निर्माण होणार नाही याची काळजी घ्या. दिनक्रम व्यस्त राहील. मन विचलीत होऊ शकते. भौतिक सुखाची अनुभूति घ्याल.

सिंह आजचे राशिभविष्य (Leo Horoscope Today in Marathi)

नवीन प्रयोगाला यश मिळेल. मित्रांचा सल्ला ग्राह्य मानाल. मौल्यवान भेटवस्तू मिळेल. इतरांच्या आनंदात सहभागी व्हाल. गोड बोलून कामे साध्य कराल.

कन्या आजचे राशिभविष्य (Virgo Horoscope Today in Marathi)

कष्टाने मान मिळवाल. दूरच्या नातेवाईकांशी संपर्क होईल. तुमचा प्रभाव वाढेल. व्यावसायिक निर्णय विचारपूर्वक घ्यावेत. काही खर्च अचानक उद्भवतील.

हेही वाचा

तूळ आजचे राशिभविष्य (Libra Horoscope Today in Marathi)

बौद्धिक गुण वापरून कामे करावीत. व्यस्त दिनक्रमामुळे थकवा जाणवेल. नोकरदार वर्गाची जबाबदारी वाढेल. आजचा दिवस शुभ राहील. कौटुंबिक वातावरण सकारात्मक राहील.

वृश्चिक आजचे राशिभविष्य (Scorpio Horoscope Today in Marathi)

विचारपूर्वक सल्ला द्या. पोटाचे विकार त्रस्त करू शकतात. जुनी येणी असतील तर त्याचा पाठपुरावा करा. ऐनवेळी येणार्‍या समस्या सोडवता येतील. आरोग्याची काळजी घ्यावी.

धनू आजचे राशिभविष्य (Sagittarius Horoscope Today in Marathi)

धार्मिक गोष्टीत स्वत:ला रमवाल. जोडीदाराकडून चांगला लाभ होईल. कार्य सिद्धीस साशंकता नको. आध्यात्मिक कामात रुचि वाढेल. मनापासून जबाबदार्‍या पार पाडाल.

मकर आजचे राशिभविष्य (Capricorn Horoscope Today in Marathi)

मानसिक आरोग्य टिकवाल. नातेवाईकांशी चांगले धोरण ठेवाल. निर्णय क्षमतेत वाढ होईल. कौटुंबिक मतभेद दूर होतील. चिकाटी सोडून चालणार नाही.

कुंभ आजचे राशिभविष्य (Aquarius Horoscope Today in Marathi)

स्वत:बद्दलचा आत्मविश्वास भक्कम करा. आज प्रवास नको. सौम्य शब्दात आपले मत मांडा. जोडीदाराची प्रगती सुखावणारी असेल. व्यवहारी दृष्टिकोन बाळगावा.

मीन आजचे राशिभविष्य (Pisces Horoscope Today in Marathi)

अकारण खर्चाची शक्यता. मुलांवरील खर्च वाढू शकतो. उगाचच मन खिन्न होण्याची शक्यता. भागीदारीच्या व्यवसायात विश्वास महत्त्वाचा ठरेल. नोकरदार वर्गाच्या समस्या दूर होतील.

ज्योतिषी विद्याधर करंदीकर