Kartik Purnima 2025: ज्योतिषशास्त्रात कार्तिक महिना खूप खास मानला जातो आणि कार्तिक पौर्णिमादेखील महत्त्वाची मानली जाते. दृक पंचांगानुसार, कार्तिक पौर्णिमा ५ नोव्हेंबर रोजी साजरी केली जाईल, हा देव दीपावलीचा दिवसही आहे. या दिवशी भगवान विष्णू आणि देवी लक्ष्मीची पूजा केली जाते आणि गंगेत स्नान करणे, दिवे दान करणे यासारखे शुभ कार्यदेखील केले जाते. हिंदू कॅलेंडरनुसार, कार्तिक पौर्णिमा कार्तिक महिन्याच्या शुक्ल पक्षाच्या पौर्णिमेच्या दिवशी साजरी केली जाते.
ज्योतिषांच्या मते, ही कार्तिक पौर्णिमा खूप खास मानली जाते. कारण ती शिव योग आणि सर्वार्थ सिद्धी योग एकत्र करेल. शिवाय या दिवशी भद्राची अशुभ छायादेखील राहील. त्याचा पृथ्वीवर परिणाम होणार नाही. तर मग जाणून घेऊया की कार्तिक पौर्णिमेवरील या दुर्मिळ योगायोगाचा कोणत्या राशींना फायदा होईल…
वृषभ राशी
कार्तिक पौर्णिमा वृषभ राशीच्या लोकांसाठी अत्यंत शुभ राहील. या दिवशी त्यांना देवी लक्ष्मीकडून विशेष आशीर्वाद मिळू शकतात. हा काळ आर्थिकदृष्ट्या फायदेशीर राहील, रखडलेले पैसे मिळण्याचे संकेत असतील. नोकरी करणाऱ्यांना पदोन्नती किंवा सन्मान मिळण्याची शक्यता आहे, तर उत्पन्नाचे नवीन स्त्रोत खुले होऊ शकतात.
मिथुन राशी
कार्तिक पौर्णिमा मिथुन राशीच्या लोकांसाठी शुभ पळ घेऊन येईल. जीवनाच्या अनेक क्षेत्रांमध्ये दिवसाचा सकारात्मक परिणाम होईल. आर्थिक लाभाच्या संधी निर्माण होतील. भगवान विष्णूंच्या आशीर्वादाने तुम्ही चांगले आरोग्य राखू शकता आणि मानसिक शांती अनुभवाल. कामाच्या ठिकाणी तुमच्या मेहनतीचे कौतुक केले जाईल, त्यामुळे पदोन्नती किंवा पगार वाढण्याची शक्यता आहे. कुटुंबातही आनंदाचे वातावरण राहील. प्रलंबित कामे पूर्ण होऊ शकतात.
कन्या राशी
कार्तिक पौर्णिमा कन्या राशीच्या लोकांसाठी भाग्यशाली दिवस असेल. देवी लक्ष्मीच्या विशेष आशीर्वादाने संपत्ती आणि समृद्धी शक्य होईल. या काळात व्यवसायांना नफा मिळण्याची अपेक्षा आहे, तर नोकरी करणाऱ्यांना कामाच्या ठिकाणी सहकाऱ्यांकडून पूर्ण सहकार्य मिळेल. मागील प्रलंबित कामे पूर्ण होऊ शकतात आणि आदरही वाढेल.
