जन्मतारखेत दडले तुमचे भाग्य! ‘या’ तारखांना जन्मलेले लोक जन्मत:चं असतात भाग्यवान; शनीच्या कृपेने होतात मोठे उद्योजक किंवा नेते

नरेंद्र मोदींचा मूलांक ८

प्रधानमंत्री नरेंद्र मोदी हेदेखील मूलांक ८ चे जातक आहेत. त्यामुळेच त्यांच्या आयुष्यात शिस्त, नेतृत्वगुण आणि चिकाटी यांचे दर्शन घडते.

मूलांक ८ : शनीदेवाचे शिष्य, शिस्त आणि नेतृत्व यांचे प्रतीक

कामात शिस्त आणि न्यायप्रियता

मूलांक ८ चे लोक कामाबाबत अत्यंत काटेकोर आणि जबाबदार असतात. त्यांच्या आयुष्यात ‘वेळेवर काम’ हे महत्त्वाचे सूत्र असते. ही मंडळी कामात कसूर सहन करत नाहीत आणि प्रत्येक गोष्ट नियोजनपूर्वक पूर्ण करण्याचा प्रयत्न करतात. दिखावा त्यांना अजिबात आवडत नाही. ते शांतपणे, पण अत्यंत परिणामकारक पद्धतीने आपलं काम करून दाखवतात.

शनीदेवाच्या कृपेने त्यांच्यात न्यायप्रियता आणि प्रामाणिकपणा यांचे गुण असतात. समाजात सत्य आणि नीतीच्या बाजूने उभे राहण्याचे धैर्य या लोकांमध्ये असते.

राजकारण आणि व्यवसायात चमकणारे व्यक्तिमत्त्व

मूलांक ८ असलेले लोक राजकारण, व्यवस्थापन आणि व्यापार या क्षेत्रात विशेष यश मिळवतात. नेतृत्व करण्याची क्षमता, दूरदृष्टी आणि संघटनशक्ती या त्यांच्या खास वैशिष्ट्यांमुळे हे लोक मोठे नेते, प्रशासक किंवा उद्योगपती म्हणून ओळखले जातात.

हे लोक कोणाच्याही दबावाखाली काम करत नाहीत आणि निर्णय घेण्यात कुशल असतात. खोटे न वागता थेट बोलणे, प्रामाणिक राहणे आणि मेहनतीने पुढे जाणे हेच त्यांचे सूत्र असते. म्हणूनच अनेक मूलांक ८ चे लोक आपल्या मेहनतीवर आणि शनीच्या कृपेवर राजकीय व आर्थिक शिखरावर पोहोचतात.

मूलांक ८ च्या लोकांना कधी कधी संघर्षाचा सामना करावा लागतो, पण प्रत्येक अडथळा त्यांना अधिक मजबूत बनवतो. “कर्म म्हणजेच धर्म” — हे वाक्य त्यांच्या जीवनाचे तत्त्व असते. शनीदेव त्यांच्या कर्मनिष्ठतेला यशाचे वरदान देतात.