Conjunction Of Saturn And Venus: ज्योतिषशास्त्रानुसार शनीला कर्मफळदाता आणि न्यायदेवता म्हटले जाते. तर शुक्र ग्रहाला सुख, समृद्धी आणि प्रेमाचा कारक ग्रह म्हटले जाते. सध्या शनी मीन राशीत विराजमान असून शुक्र जून महिन्यात मेष राशीत असेल. त्यामुळे शनी-शुक्र एकमेकांपासून ३० डिग्री वर असतील. ज्यामुळे द्विद्वादश योग निर्माण होईल. या योगाच्या शुभ प्रभावाने काही राशीच्या व्यक्तींना त्याचे शुभ परिणाम पाहायला मिळतील.
पंचागानुसार, ७ जून २०२५ रोजी शुक्र-शनी एकमेकांपासून ३० डिग्री अंतरावर असतील. ज्यामुळे हा योग निर्माण होईल.
शनी-शुक्राची युती देणार प्रत्येक क्षेत्रात यश
मेष (Mesh Rashi)
मेष राशीच्या व्यक्तींना शनी-शुक्राची युती खूप सकारात्मक ठरेल. तुमच्या मनातील सर्व इच्छा पूर्ण होतील. या काळात तुम्ही नेहमी सकारात्मक राहाल. स्पर्धा परीक्षेत उत्तम यश मिळेल. वैवाहिक जीवन सुखमय राहील तसेच जे अविवाहित आहेत, त्यांचे लग्न ठरेल. मित्रांसोबत चांगला वेळ घालवाल आणि त्यांच्यासोबत पिकनिकचा प्लानदेखील कराल. कुटुंबात आनंदाचे वातावरण असेल. तुमची आर्थिक चणचण दूर होईल आणि उत्पन्नाचे नवे मार्ग मोकळे होतील.
मकर (Makar Rashi)
शनी-शुक्राची युती मकर राशीच्या व्यक्तींसाठी खूप अनुकूल ठरेल. या काळात तुमच्या आयुष्यात आनंदी आनंद येईल. आयुष्यात मानसन्मान आणि कामाच्या ठिकाणी तुमचे वर्चस्व वाढेल. तुमच्या मनाप्रमाणे सर्व गोष्टी घडतील, त्यामुळे या काळात तुमच्या चेहऱ्यावर समाधान पाहायला मिळेल. परदेश जाण्याचे योग आहेत. उत्पन्नाचे नवे मार्ग सापडतील. जोडीदाराकडून आनंदी वार्ता मिळेल. कुटुंबाची आर्थिक परस्थिती अधिक मजबूत होईल.
कुंभ (Meen Rashi)
शनी-शुक्राची युती कुंभ राशीच्या व्यक्तींसाठी भाग्यशाली सिद्ध होईल. या काळात उत्पन्नाचे नवे मार्ग मोकळे होतील. कुटुंबीयांसोबतचे संबंध अधिक घट्ट होतील. त्यांच्यासह दूरचे प्रवास घडतील. नोकरी करणाऱ्यांना कामात सकारात्मक बदल दिसून येतील. प्रेमसंबंध सुखमय होतील. या काळात तुमच्यात साहस निर्माण होईल. कामाच्या ठिकाणी कामाचे खूप कौतुक होईल.
(टीप: वरील लेख प्राप्त माहितीवर आधारित आहे.)
