शारदीय नवरात्र २०२५: यावर्षी देवी आईचे आगमन हत्तीवर स्वार होऊन… हे वाहन कोणते शुभ संकेत देते, याचा परिणाम काय?

देवी आईचे वाहन

देवी पुराणात उल्लेख आहे की नवरात्र सुरू होण्याच्या दिवशी देवीचे वाहन निश्चित होते. देवी पुराणातील एका श्लोकात म्हटले आहे की, “शशी सूर्य गज्रुधा शनिभूमै तुरंगमे” म्हणजेच जर नवरात्र रविवार किंवा सोमवारी सुरू झाली तर देवी हत्तीवर स्वार होऊन येते. यावर्षी शारदीय नवरात्र सोमवारी सुरू होत आहे, त्यामुळे देवी आई हत्तीवर स्वार होऊन पृथ्वीवर येईल.

हत्तीवर आगमनाचे शुभ संकेत

धार्मिक श्रद्धेनुसार, हत्तीवर स्वार होऊन देवी आईचे आगमन अत्यंत शुभ मानले जाते. हे वर्षभर चांगला पाऊस पडेल आणि शेतकऱ्यांना भरपूर पीक मिळेल असे दर्शवते. तसंच देशात आणि जगात स्थिरता आणि शाती राहील. राजकीय अस्थिरता कमी होईल आणि लोकांच्या आयुष्यात सकारात्मक बदल दिसून येतील. हत्तीवर स्वार होऊन आलेल्या देवी आईचे आगमन तिच्या भक्तांना आनंद, समृद्धी आणि यश प्राप्त करून देते.

शारदीय नवरात्री घटस्थापना मुहूर्त २०२५

शारदीय नवरात्र अश्विन महिन्याच्या शुक्ल पक्षातील प्रतिपदा तिथीला सुरू होते. यावेळी प्रतिपदा तिथी २२ सप्टेंबर रोजी पहाटे १ वाजून २३ मिनिटांनी सुरू होईल आणि २३ सप्टेंबर रोजी पहाटे २ वाजून ५५ मिनिटांपर्यंत चालेल. घटस्थापनेचा शुभ मुहूर्त सकाळी ६ वाजून ९ मिनिटे ते ८ वाजून ६ मिनिटांपर्यंत असेल. त्याचवेळी कलश स्थापनाचा शुभ मुहूर्त सकाळी ९ वाजून ११ मिनिटांनी ते १० वाजून ४३ मिनिटांपर्यंत आहे. शिवाय, घटस्थापनेचा अभिजित मुहूर्त सकाळी ११ वाजून ४९ मिनिटे ते दुपारी १२ वाजून ३८ मिनिटांपर्यंत असेल.