Horoscope Today 31 July 2025 In Marathi: आज ३१ जुलै २०२५ रोजी श्रावण महिन्याच्या शुक्ल पक्षातील सप्तमी तिथी आहे. सप्तमी तिथी उद्या सकाळी ४ वाजून ३२ मिनिटांपर्यंत असणार आहे. उद्या सकाळी ४ वाजून ३२ मिनिटांपर्यंत साध्य योग जुळून येईल. रात्री १२ वाजून ४२ मिनिटांपर्यंत चित्रा नक्षत्र जागृत असणार आहे. आज राहू काळ १:३० वाजता सुरु होईल ते ३ वाजेपर्यंत असणार आहे. तसेच आज शीतला सप्तमी असणार आहे. अभिजात मुहूर्त १२ वाजता सुरु होईल ते १२ वाजून ५४ मिनिटांपर्यंत असणार आहे. तर आजचा गुरुवार तुमच्यासाठी काय घेऊन येणार आहे जाणून घेऊया…

३१ जुलै २०२५ पंचांग व राशिभविष्य (Today Horoscope In Marathi, 31 July 2025)

आजचे मेष राशिभविष्य (Aries Horoscope In Marathi)

दिवस मनाप्रमाणे घालवाल. जवळच्या मित्रांची गाठ पडेल. सामाजिक जाणीव ठेवून वागाल. एखादे जुने स्वप्न पूर्ण होईल. सकारात्मक विचारातून यशस्वी व्हाल.

आजचे वृषभ राशिभविष्य (Taurus Horoscope In Marathi)

मित्रांची बाजू जाणून घ्यावी. मानसिक चंचलता जाणवेल. समतोल विचार करून पहावा. जोडीदाराकडून सहकार्याची अपेक्षा ठेवाल. अति चिकित्सा करू नका.

आजचे मिथुन राशिभविष्य (Gemini Horoscope In Marathi)

काही गोष्टींचे चिंतन करावे लागेल. व्यापार्‍यांना चांगला लाभ होईल. सामाजिक प्रतिष्ठेमध्ये वाढ होईल. प्रगतीचा मार्ग खुला होईल. मुलांकडून चांगल्या बातम्या मिळतील.

आजचे कर्क राशिभविष्य (Cancer Horoscope In Marathi)

मोहाला बळी पडू नका. जोडीदाराविषयी मनात शंका बाळगू नका. गोड बोलून कामे करून घ्यावीत. मुलांना जबाबदारीची जाणीव करून द्यावी. कामाचा वेग वाढेल.

आजचे सिंह राशिभविष्य (Leo Horoscope In Marathi)

आज आशादायक ग्रहमान राहील. कामाचा जास्त बोजा घेऊ नका. वरिष्ठांची कौतुकाची थाप पडेल. दिनक्रम व्यस्त राहील. हाती घेतलेले काम तडीस न्याल.

आजचे कन्या राशिभविष्य (Virgo Horoscope In Marathi)

व्यवसायासाठी भांडवल उपलब्ध होईल. काही कामे कमी श्रमात पार पडतील. जोडीदार तुमच्यावर नाराज होऊ शकतो. गृहोपयोगी वस्तु खरेदी कराल.

हेही वाचा

आजचे तूळ राशिभविष्य (Libra Horoscope In Marathi)

अति उत्साहावर नियंत्रण ठेवा. भागीदाराशी सुयोग्य चर्चा कराल. अनोळखी व्यक्तींशी संपर्क टाळा. कौटुंबिक वातावरण चांगले राहील. विरोधकांचा रोष मावळेल.

आजचे वृश्चिक राशिभविष्य (Scorpio Horoscope In Marathi)

आज आराम करण्याची इच्छा निर्माण होईल. प्रिय व्यक्तीची नाराजी दूर होईल. जुन्या गुंतवणुकीतून लाभ होईल. कामातून समाधान लाभेल. नसती काळजी करू नका.

आजचे धनू राशिभविष्य (Sagittarius Horoscope In Marathi)

दिवस प्रसन्नतेत उगवेल. काही जुने प्रश्न मार्गी लागतील. कौटुंबिक वातावरण शांत ठेवावे. मुलांबरोबर अधिक वेळ घालवाल. छंद जोपासण्यासाठी वेळ काढा.

आजचे मकर राशिभविष्य (Capricorn Horoscope In Marathi)

व्यायामात आळस करू नका. घरातील वातावरण खेळते राहील. दिवस मजेत जाईल. जोडीदाराच्या उत्पन्नात वाढ होईल. घरात तुमच्या कामाचे कौतुक केले जाईल.

आजचे कुंभ राशिभविष्य (Aquarius Horoscope In Marathi)

ग्रहमानाची अनुकूलता लाभेल. भावंडांची मदत मिळेल. कोणालाही दुरूत्तर करू नका. मानसिक चंचलता टाळावी. प्रेमसंबंध घट्ट करण्याचा प्रयत्न करावा

This quiz is AI-generated and for edutainment purposes only.

आजचे मीन राशिभविष्य (Pisces Horoscope In Marathi)

नवीन संकल्पना कृतीत उतरवा. कौटुंबिक कामात वेळ जाईल. बागकामाची आवड जोपासाल. उतावीळपणा करू नये. मित्र मंडळींचे सहकार्य घ्याल.

ज्योतिषी विद्याधर करंदीकर