Shukra Nakshatra Parivartan 2025: ज्योतिषशास्त्रानुसार प्रत्येक ग्रह ठराविक वेळेनंतर राशी परिवर्तन आणि नक्षत्र परिवर्तन करतात. ज्याचा शुभ प्रभाव १२ राशींच्या व्यक्तींवर पाहायला मिळतो. येत्या ८ जून २०२५ रोजी भौतिक सुखाचा कारक ग्रह शुक्र रोहिणी नक्षत्रामध्ये प्रवेश करणार आहे. या नक्षत्राचा स्वामी ग्रह चंद्र असून हे नक्षत्र परिवर्तन काही राशीच्या व्यक्तींसाठी अत्यंत अनुकूल सिद्ध होईल. या भाग्यशाली राशीच्या व्यक्तींना प्रत्येक कामात यश मिळेल आणि अचानक धनलाभही होईल.
ज्योतिषशास्त्रानुसार, रोहिणी नक्षत्र हे २७ नक्षत्रांपैकी एक असून या नक्षत्राचा स्वामी चंद्र आहे आणि रास वृषभ आहे.
‘या’ तीन राशींचे चमकणार भाग्य
वृषभ (Vrushabh Rashi)
शुक्राचे नक्षत्र परिवर्तन वृषभ राशीसाठी खूप फायदेशीर सिद्ध होईल. या काळात तुमच्या कामातील अनेक अडथळे दूर होण्यास मदत होईल. आर्थिक चणचण दूर होईल आणि उत्पन्नाचे नवे मार्ग मोकळे होतील. कुटुंबीयांसोबतचे संबंध अधिक घट्ट होतील. नोकरी करणाऱ्यांना कामात सकारात्मक बदल दिसून येतील. प्रेमसंबंध सुखमय होतील. जोडीदारबरोबर सुखाचे क्षण व्यतीत कराल. भौतिक सुख प्राप्त कराल.
सिंह (Singh Rashi)
शुक्राचे नक्षत्र परिवर्तन सिंह राशीच्या व्यक्तींना सकरात्मक फळ देईल. या काळात अनेकदा कामामुळे दूरचे प्रवास करावे लागतील. मित्रांबरोबर चांगला वेळ घालवाल. कुटुंबातही आनंदी आनंद असेल. त्याशिवाय तुम्ही त्यांच्यासोबत पिकनिकचा प्लानदेखील कराल. नवीन गोष्टी शिकण्याची संधी मिळेल. वरिष्ठांची मदत मिळेल. विद्यार्थ्यांसाठीदेखील हा उत्तम काळ आहे. कुटुंबात शांततेचे वातावरण राहील. नोकरी करणाऱ्यांची पगारवाढ होईल. तसेच अडकलेले पैसे मिळतील. या काळात करिअरमध्ये यश मिळेल; तसेच प्रमोशनही मिळेल.
धनु (Dhanu Rashi)
शुक्राचे नक्षत्र परिवर्तन धनु राशीच्या व्यक्तींसाठी खूप अनुकूल सिद्ध होईल. या काळात मकर राशीच्या व्यक्तींची आर्थिक परिस्थिती उत्तम राहील. जोडीदाराची साथ मिळेल आणि दोघांमधील नाते अधिक घट्ट होईल. कर्ज फेडण्यास मदत होईल. वाहन, स्थावर मालमत्ता खरेदी करण्याची इच्छा पूर्ण होईल. आकस्मिक धनलाभ होईल. गुंतवणूक करणे फायदेशीर ठरेल. कुटुंबीयांसोबतचे नाते अधिक घट्ट होईल. आरोग्य उत्तम राहील.
(टीप: वरील लेख प्राप्त माहितीवर आधारित आहे.)
