Aajche Rashi Bhavishya, 2 July 2025 In Marathi: २ जुलै २०२५ रोजी आषाढ महिन्याच्या शुक्ल पक्षातील सप्तमी तिथी आहे. सप्तमी तिथी सकाळी ११ वाजून ५९ मिनिटांपर्यंत असेल, त्यानंतर अष्टमी तिथी सुरु होईल. संध्याकाळी ५ वाजून ४७ मिनिटांपर्यंत वरीयान योग जुळून येईल. ११ वाजून ८ मिनिटांपर्यंत उत्तरा फाल्गुनी जागृत असेल आणि त्यानंतर हस्त नक्षत्र जागृत असेल. राहू काळ १२ वाजता सुरु होईल ते १:३० वाजेपर्यंत असणार आहे. तर आजचा दिवस तुमच्या राशीचा आनंदात जाणार की दुःखात जाणून घेऊया…
२ जुलै २०२५ आजचे राशिभविष्य (Rashi Bhavishya In Marathi, 2 July 2025 )
आजचे मेष राशिभविष्य (Aries Horoscope In Marathi)
सामाजिक कामात मदत कराल. सार्वजनिक कामातून प्रशंसा मिळवाल. कौटुंबिक जीवनात सुख व संतोष अनुभवाल. सर्वांशी गोडीगुलाबीने वागाल. वैचारिक चंचलता टाळण्याचा प्रयत्न करावा.
आजचे वृषभ राशिभविष्य (Taurus Horoscope In Marathi)
उत्तम मानसिक स्वास्थ्य लाभेल. कौटुंबिक सौख्य द्विगुणित होईल. मनातील आकांक्षा पूर्ण होतील. कष्टाला मागे-पुढे पाहू नका. नातेवाईकांकडून आनंदाच्या बातम्या मिळतील.
आजचे मिथुन राशिभविष्य (Gemini Horoscope In Marathi)
वादाच्या मुद्यांपासून दूर राहावे. बौद्धिक चर्चेत सहभागी होऊ नका. कामात काही बदल अचानक घडून येतील. प्रत्येक वेळी सावधान राहायला हवे. मित्रांसाठी खर्च करावा लागेल.
आजचे कर्क राशिभविष्य (Cancer Horoscope In Marathi)
स्वभावात उगाचच चिडचिड जाणवेल. प्रफुल्लता, स्फूर्ती यांचा काहीसा अभाव राहील. स्वत:च्या इच्छेला अधिक महत्व द्याल. अनावश्यक खर्च केला जाईल. वरिष्ठ नाराज होण्याची शक्यता आहे.
आजचे सिंह राशिभविष्य (Leo Horoscope In Marathi)
कौटुंबिक बाबीत गैरसमजाची शक्यता आहे. भावंडांचे सहकार्य मिळेल. दूरच्या प्रवासात काळजी घ्यावी लागेल. मन विचलित होणार नाही याची काळजी घ्या. तरुणांचे विचार जाणून घ्या.
आजचे कन्या राशिभविष्य (Virgo Horoscope In Marathi)
कामात स्त्रियांची मदत मिळेल. स्त्री वर्गाच्या सहाय्याने चांगला आर्थिक लाभ होईल. गोड बोलण्याने निर्धारित कामे पूर्ण कराल. नाहक खर्च होण्याची शक्यता.
आजचे तूळ राशिभविष्य (Libra Horoscope In Marathi)
कामासंदर्भात आज सतर्क राहावे लागेल. सहकार्‍यांशी वादाचे प्रसंग येऊ शकतात. व्यावसायिक शत्रूंवर बारीक लक्ष ठेवावे लागेल. नातेवाईकांकडून फार अपेक्षा ठेऊ नका. हाताखालील लोक विश्वासू मिळतील.
आजचे वृश्चिक राशिभविष्य (Scorpio Horoscope In Marathi)
बरेच दिवस अडकून पडलेले प्रश्न सुटू लागतील. गुंतवणूक वाढवावी लागेल. व्यावसायिक प्रश्न मार्गी लागतील. नवीन धोरण समोर ठेवावे लागेल. संपर्कातून लाभ होऊ शकतो.
आजचे धनू राशिभविष्य (Sagittarius Horoscope In Marathi)
मानसिकतेत हळूहळू बदल घडताना दिसेल. चिकाटी अधिक वाढवावी लागेल. घरातील प्रश्न सामोपचाराने सोडवावेत. सरळ मार्गाचा अवलंब करावा. समोर येणारे कोणतेही काम करण्याची तयारी ठेवा.
आजचे मकर राशिभविष्य (Capricorn Horoscope In Marathi)
परिश्रम घेणे सोडू नका. कामे जिद्दीने पार पाडावीत. उत्साह कोणत्याही कारणाने कमी पडू देऊ नका. जुन्या गोष्टी उगाळण्यापेक्षा नवीन विचार आमलात आणा. समोरील उपयुक्त गोष्टींचा वापर करावा.
आजचे कुंभ राशिभविष्य (Aquarius Horoscope In Marathi)
रखडलेल्या कामांना गती येईल. अपेक्षित लाभाचे मार्ग खुले होतील. मनाची चलबिचलता कमी होईल. थोडा उत्साह वाढवावा लागेल. बोलण्याच्या भरात शब्द देऊ नका.
आजचे मीन राशिभविष्य (Pisces Horoscope In Marathi)
मानसिक स्थैर्य वाढवावे लागेल. कामाचे स्वरूप पक्के करावे लागेल. अति घाई उपयोगाची नाही. मुलांचा हट्ट पुरवावा लागेल. क्रोधाला आवर घालावी.
ज्योतिषी विद्याधर करंदीकर
