सासूला आपल्या धाकात ठेवतात ‘या’ राशीच्या महिला, प्रत्येक गोष्टीत बरोबरी करण्यात असतात पटाईत

‘या’ राशीच्या महिलांचे सासूबरोबर कधीही पटत नाही

मेष

मेष या राशीचा स्वामी मंगळ ग्रह असून मंगळ हा ग्रह साहस, ऊर्जेचा कारक ग्रह आहे, त्यामुळे मंगळाचे काही गुण या राशीच्या लोकांमध्येही पाहायला मिळतात. ज्योतिषशास्त्रानुसार या राशीच्या महिलांचे आपल्या सासूबरोबर कधीही फारसे पटत नाही, कारण या महिलांना सतत चिडचिड करायची सवय असते. शिवाय यांना रागही खूप लवकर येतो, रागात या कोणालाही काहीही बोलू शकतात. त्यांच्या अशा स्वभावामुळे घरातील सासू, नणंदबरोबर त्यांचे फारसे पटत नाही.

वृश्चिक

वृश्चिक राशीचा स्वामी मंगळ ग्रह असून मंगळाच्या प्रभावाने या राशीच्या व्यक्तीदेखील साहसी, निर्भीड आणि आत्मविश्वासू असतात. परंतु, त्यांच्यातील हे गुण कधी कधी त्यांच्यासाठी घातक ठरू शकतात. या राशीच्या महिला अनेकदा आपल्या सासूलाच मुठीत ठेवण्याचा प्रयत्न करतात, ज्यामुळे कुटुंबात वादाचे फटाके फुटतात. शिवाय या महिलांमध्ये सहनशक्तीची कमतरता असते.

सिंह

सिंह राशीचा स्वामी सूर्य ग्रह असून सूर्याच्या प्रभावाने या राशीच्या व्यक्तीदेखील ऊर्जावान, हुशार आणि आत्मविश्वासू असतात. परंतु, त्यांना त्यांच्या या गुणांचा अभिमान असतो. आपण सर्वात श्रेष्ठ आहोत असा या महिलांचा समज असतो, त्यामुळे या महिलांचे त्यांच्या सासूबरोबर अजिबात पटत नाही.

(टीप: वरील लेख प्राप्त माहितीवर आधारित आहे.)