चोपड्याच्या शिवसेना आमदार लताबाई सोनवणे यांची जातीच्या दाव्याची याचिका फेटाळली

आमदार सोनवणे यांच्या जातीच्या दाव्यासंबंधी राष्ट्रवादी काँग्रेस पक्षाचे पराभूत उमेदवार जगदीशचंद्र वळवी यांनी आक्षेप घेतला होता. त्यांच्या जातीच्या दाव्यासंबंधी अनुसूचित जमाती प्रमाणपत्र तपासणी समिती नंदुरबार यांच्याकडे त्यांनी तक्रार दाखल केली होती. डिसेंबर २०२१ मध्ये जात प्रमाणपत्र तपासणी समितीने संबंधित दावा अवैध ठरवला होता. अनुसूचित जमाती प्रमाणपत्र तपासणी समिती नंदुरबारच्या निर्णयाविरुद्ध आमदार लताबाई सोनवणे यांच्या वतीने मुंबई उच्च न्यायालयाच्या औरंगाबाद खंडपीठात याचिका दाखल करून आव्हान देण्यात आले होते. नंदुरबार तपासणी समितीचा निर्णय रद्द करून अनुसूचित जमातीमधील टोकरे कोळी हे प्रमाणपत्र अवैध ठरविण्यात यावे, अशी विनंती त्यांनी याचिकेद्वारे केली होती. प्रतिवादी राष्ट्रवादी काँग्रेसचे पराभूत उमेदवार वळवी यांनी सोनवणे यांचे जात प्रमाणपत्र रद्द करावे अशी विनंती केली होती. वळवी यांच्या वतीने ॲड. योगेश बोलकर यांच्यासाठी ज्येष्ठ विधिज्ञ विजयकुमार सपकाळ यांनी बाजू मांडली तर याचिकाकर्त्या सोनवणे यांच्या वतीने ज्येष्ठ विधिज्ञ आर. एन. धोर्डे यांनी काम पाहिले.