EV Sales in India: इलेक्ट्रिक वाहनांना खरेदीदारांची पसंती; विक्रीने ओलांडला १० लाखांचा टप्पा

२०२३ मध्ये देशात इलेक्ट्रिक वाहनांची (EV) विक्री वार्षिक आधारावर ४९.२५ टक्क्यांनी वाढून १५,२९,९४७ युनिट्स झाली आहे. फेडरेशन ऑफ व्हेईकल डीलर असोसिएशन (FADA)ने मंगळवारी ही माहिती दिली. त्यांच्या आकडेवारीनुसार, इव्ही (EV) उद्योगाने २०२२ मध्ये एकूण १०,२५,०६३ वाहनांची विक्री केली होती.

भारतात इलेक्ट्रिक वाहनांच्या विक्रीच्या आकडेवारीवर एक नजर टाकूया :

१. २०२३ मध्ये दुचाकी वाहनांची ईव्ही विक्री ३६.०९ टक्क्यांनी वाढून ८,५९,३७६ झाली. दुचाकी ईव्ही विक्री २०२२ मध्ये ६,३४,४६४ युनिट्सवरून होती. त्याचप्रमाणे इलेक्ट्रिक वाहनांची विक्री वार्षिक आधारावर ६५.२३ टक्क्यांनी वाढून ५,८२,७९३ युनिट्स झाली आहे; जी २०२२ मध्ये ३,५२,७१० युनिट्स होती.

२. तीनचाकी (थ्री-व्हीलर) ईव्ही विक्रीचे प्रमाण वर्षभरात ६५.२६ टक्के वाढून ५,८२,७९३ युनिट्सवर पोहोचले आहे; जे २०२२ मध्ये ३,५२,७१० युनिट्स होते.

३. ई-व्यावसायिक वाहनांची विक्री वार्षिक ११४.१६टक्क्यांनी वाढून ५,६७३ युनिट्सवर पोहोचली आहे. तसेच गेल्या वर्षी ही २,६४९ युनिट्स होती.

४. इलेक्ट्रिक ईव्ही प्रवासी वाहनांची विक्री २०२२ मध्ये ३८,२४० होती; जी २०२३ मध्ये ११४.७१ टक्के वाढून ८२,१०५ युनिट झाली आहे.

हेही वाचा…सॅमसंग अन् ह्युंदाई एकत्र येऊन बनवणार ‘स्मार्ट कार’! काय असणार खास? घ्या जाणून…

गेल्या वर्षभरात विक्री झालेल्या इतर वाहनांची आकडेवारी पाहू…

१. वर्षभरात तीनचाकी वाहनांची विक्री ५८ टक्क्यांनी वाढून १०,८०,६५३ युनिट्स झाली; जे २०२२ मध्ये ६,८१,८१२ युनिट्स होती..
२. त्याचप्रमाणे दुचाकींची विक्री २०२३ मध्ये नऊ टक्क्यांनी वाढून १,७०,९१,११२ युनिट्सवर पोहोचली; जी २०२२ मध्ये १,५५,८८,३५२ युनिट्स होती.
३. व्यावसायिक वाहनांची विक्री आठ टक्क्यांनी वाढली आहे; जी आज ९,९४,३३० युनिट्सवर पोहोचली आहे. ही आकडेवारी २०२३ च्या इलेक्ट्रिक आणि देशातील इतर वाहनांची आहे.