Maruti Suzuki is coming up with a hybrid car These cars include Maruti Swift Hybrid Maruti Dzire Hybrid New Maruti MPV

तुम्ही जर नवीन कार खरेदी करण्याचा विचार करत असाल, तर ही बातमी तुमच्यासाठी खास आहे.

मारुती घेऊन येत आहे जबरदस्त कार. (Photo-indianexpress)

Maruti Suzuki: भारतात इंधनाचे दर गगनाला भिडले आहेत. तगडं मायलेज देता यावं यासाठी वाहन कंपन्या आता हायब्रिड कारवर लक्ष केंद्रीत करत आहेत. तुम्ही जर नवीन कार खरेदी करण्याचा विचार करत असाल आणि तुम्हाला एक उत्तम मायलेज देणारी कार हवी असेल तर तुम्ही हायब्रिड कारचा पर्याय निवडू शकता. देशातील आघाडीची कार निर्माता कंपनी मारुती सुझुकी येत्या वर्षात तीन नवीन हायब्रीड कार लाँच करण्याची तयारी करत आहे. या कारमुळे ग्राहकांना जास्त मायलेज मिळणार आहे. चला तर जाणून घ्या पुढील एका वर्षात कंपनी ग्राहकांसाठी कोणत्या कोणत्या कार्स लाँच करू शकते.

‘ह्या’ जबरदस्त मायलेजवाल्या कार होणार लाँच

Maruti Swift Hybrid
नवीन जनरेशनची सुझुकी स्विफ्ट टेस्टिंगच्या टप्प्यात आहे. हे टेस्टिंग दरम्यान अनेक वेळा पाहिले गेले आहे. फीचर्स आणि पॉवरट्रेनच्या बाबतीत ही कार अपग्रेड केले गेले आहे. नवीन स्विफ्ट स्ट्राँग हायब्रीड टेक्नॉलॉजीसह सादर केली जाऊ शकते. नवीन २०२४ मारुती सुझुकी स्विफ्टला टोयोटाच्या मजबूत हायब्रिड टेक्नॉलॉजीसह नवीन १.२-लिटर, ३-सिलेंडर पेट्रोल इंजिन असू शकते. या अपडेटमुळे स्विफ्ट देशातील सर्वात जास्त फ्यूल एफिशिएंट कार बनणार आहे. स्ट्राँग हायब्रिड पॉवरट्रेनसह स्विफ्ट हॅचबॅक जवळपास ३५-४०kmpl (ARAI प्रमाणित) मायलेज देऊ शकते.

(आणखी वाचा : Maruti Suzuki: भारतातच नव्हे तर विदेशातही मारुतीच्या ‘या’ कारने वाजवला डंका, यामागचं कारण माहितेय का?)

Maruti Dzire Hybrid
मारुती सुझुकी आपल्या अतिशय लोकप्रिय कारचे नवीन जनरेशन मॉडेल लॉन्च करणार आहे. यामध्ये मारुती डिझायर कॉम्पॅक्ट सेडानचा समावेश आहे. मारुती सुझुकी डिझायर ही त्याच्या सेगमेंटमधील पहिली कार असेल जी मजबूत हायब्रिडसह येईल. ही कार नवीन १.२L पेट्रोल इंजिन ३ सिलेंडर सेटअपसह येईल. या मोटरमध्ये टोयोटाची स्ट्राँग हायब्रिड टेक वापरण्यात येणार आहे. मजबूत हायब्रिड प्रणालीसह नवीन स्विफ्ट आणि डिझायर भारतातील सर्वात जास्त इंधन कार्यक्षम कार बनतील. मारुती डिझायर हायब्रीड २०२३ च्या अखेरीस लाँच केली जाऊ शकते.

This quiz is AI-generated and for edutainment purposes only.

New Maruti MPV
टोयोटा-सुझुकी दरम्यान चालू असलेल्या मॉडेल-शेअरिंग भागीदारीचा भाग म्हणून टोयोटा आपली नवीन इनोव्हा हायक्रॉस मारुती सुझुकीला देईल. मारुती सुझुकी स्वतःच्या नेमप्लेटसह लॉन्च करेल पण त्याआधी त्यात काही बदल केले जातील. मारुतीचे हायक्रॉस मॉडेल देखील भारतीय रस्त्यांवर चाचणी दरम्यान दिसले आहे. ही हायक्रॉसवर आधारित नवीन मारुती एमपीव्ही ऑगस्ट २०२३ पर्यंत सादर केली जाऊ शकते.

First published on: 23-12-2022 at 20:17 IST

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Maruti suzuki is coming up with a hybrid car these cars include maruti swift hybrid maruti dzire hybrid new maruti mpv pdb

Maruti Suzuki: आता चालवा टू व्हिलरच्या मायलेजमध्ये फोर व्हिलर; मारुती घेऊन येत आहे ‘ह्या’ जबरदस्त कार

तुम्ही जर नवीन कार खरेदी करण्याचा विचार करत असाल, तर ही बातमी तुमच्यासाठी खास आहे.

‘ह्या’ जबरदस्त मायलेजवाल्या कार होणार लाँच