नितीन गडकरींच्या हस्ते जगातील पहिली इथेनॉलवर धावणारी कार भारतात लाँच; शेतकऱ्यांना होणार फायदा

इथेनॉलची खास म्हणजे, हे इंधन शेतकऱ्यांच्या शेतात पिकणाऱ्या ऊसापासून हे बनवलं जातं. या कारचे आणखी एक वैशिष्ट्ये म्हणजे, ती इथेनॉलसह हायब्रिड प्रणालीवर ४० टक्के वीज निर्मिती करेल, त्याचाही प्रवासासाठी वापर करता येईल. ही कार जगातील पहिली BS6 फेज-२ इलेक्ट्रिफाइड फ्लेक्स-इंधन कार असल्याचा दावा करण्यात आला आहे.

(हे ही वाचा : Half Sleeve Shirt, लुंगी, चप्पल अन् सँडल घालून बाईक चालवल्यास ट्रॅफिक पोलीस दंड आकारतात का? वाचा ‘हा’ नियम )

शेतकऱ्यांना होणार फायदा

ऊस आणि मका सारख्या घटकांपासून इथेनॉल तयार केले जाते. यामुळेच पेट्रोल-डिझेल इतर देशांतून विकत घेण्यापेक्षा इथेनॉल हा एक चांगला पर्याय आहे. ही देशातील पहिली कार आहे जी पेट्रोल, इथेनॉल आणि इलेक्ट्रिकवर धावले. या कारमध्ये १.८-लिटर पेट्रोल-हायब्रिड इंजिन देण्यात आले आहे. जे २० टक्के ते १०० टक्के इथेनॉल मिश्रणावर धावू शकते. देशात उसाचे मोठ्या प्रमाणावर उत्पादन होत असल्याने इथेनॉलचे उत्पादन मोठ्या प्रमाणावर होऊ शकते. शेती उत्पादनांवर हे इंधन आधारित असल्याने याचा शेतकऱ्यांनाही फायदा होईल असं मानलं जात आहे.

सामान्यांसाठी ही गाडी उपलब्ध होणार आहे, की नाही याबाबत अद्याप कोणतीही माहिती समोर आलेली नाही.