येत्या नवीन वर्षात जर तुम्ही नवीन कार खरेदी करण्याचा विचार करत असाल, तर ही तुमच्यासाठी महत्वाची बातमी आहे. २०२२ हा वर्ष भारतीय ऑटो बाजारासाठी खूप चांगला गेला आहे. या वर्षी देशात मोठ्या प्रमाणात कार खरेदी झाली आहे. परंतु आता येणाऱ्या नव्या वर्षात अनेक ऑटो निर्मात्यांद्वारे ऑफर केलेल्या १७ कार एप्रिल २०२३ पासून बंद केल्या जाऊ शकतात.

कार बंद होण्याचे कारण काय?

देशात एप्रिल २०२३ पासून नवीन उत्सर्जन मानदंड लागू होणार आहेत, ज्यांना रिअल टाइम ड्रायव्हिंग एमिशन नॉर्म्स (RDE) म्हणून ओळखले जाते. या नवीन नियमामुळे आता ऑटो कंपन्यांना कारमध्ये अनेक बदल करावे लागणार आहे. तसेच काही कारची विक्री घटली आहे, त्यामुळे कंपन्यांनी या कार बंद करण्याचा निर्णय घेतला आहे.

(आणखी वाचा : Auto Expo 2023: जानेवारीमध्ये Maruti Suzuki करणार धमाका; सोबतच इलेक्ट्रिक कारही येणार )

रिअल टाइम ड्रायव्हिंग एमिशन (RDE) म्हणजे काय?
आरडीई म्हणजे, रिअल-टाइम ड्रायव्हिंग उत्सर्जन पातळीचे निरीक्षण करण्यासाठी वाहनांमध्ये आता ऑनबोर्ड सेल्फ-डायग्नोस्टिक डिव्हाइस बसवले जाईल. उत्सर्जनावर बारकाईने लक्ष ठेवण्यासाठी उत्सर्जन मानदंडांची पूर्तता करण्यासाठी हे उपकरण कन्व्हर्टर आणि ऑक्सिजन सेन्सर सारख्या प्रमुख भागांचे सतत निरीक्षण करेल.

आत्तापर्यंत देशातील कारच्या उत्सर्जन पातळीची प्रयोगशाळेत टेस्टिंग केली जात होती. परंतु असे आढळून आले की जेव्हा वाहन वास्तविक जीवनात वापरले जाते तेव्हा त्याची उत्सर्जन पातळी वाढते. आता अशा परिस्थितीत सरकारने चारचाकी प्रवासी आणि व्यावसायिक वाहनांची उत्सर्जन पातळी सतत तपासण्याचा नियम केला आहे. त्यासाठी वाहनांमध्ये उपकरणे लावावी लागणार आहेत.

(आणखी वाचा : मोठ्या कुटुंबासाठी बेस्ट पर्याय, ‘या’ तीन आहेत देशातील सर्वात स्वस्त कार! )

‘या’ १७ कार होणार बंद

This quiz is AI-generated and for edutainment purposes only.

Hyundai i20 Diesel, Hyundai Verna Diesel, Tata Altroz Diesel, Mahindra Marazzo, Mahinda Alturas G4, Mahindra KUV100, Skoda Octavia, Skoda Superb, Renault Kwid 800, Nissan Kicks, Maruti Suzuki Alto 800, Toyota Innova Crysta Petrol, Honda City 4th Gen, Honda City 5th Gen Diesel, Honda Amaze Diesel, Honda Jazz, Honda WR-V या कारचा समावेश आहे.