Gold silver Rate Today : अवघ्या काही दिवसांनी मराठी नवीन वर्ष सुरू होत आहे. या गुढीपाडव्याला अनेक जण सोने चांदीचे दागिने खरेदी करतात. तुम्ही सुद्धा सोने चांदी खरेदी करण्याचा विचार करत असाल तर आजच सोने चांदी बुक करा कारण गेल्या काही दिवसांपासून सोने चांदीच्या दरात मोठी वाढ दिसून येत आहे. गुढीपाडव्याच्या पार्श्वभूमीवर सोने चांदीच्या दरात आणखी तेजी दिसून येईल.
आज सोन्याचे दर स्थिर असून १० ग्रॅम २४ कॅरेट सोन्याचा दर ८८,२०० रुपये तर चांदीचा दर ९८,०८० रुपये किलो आहे. सोने चांदीच्या दरात झपाट्याने वाढ झाल्याने ग्राहकांच्या खिशाला कात्री लागणार असल्याचे दिसत आहे.
सोने चांदीचे दर
बुलियन मार्केटनुसार, आज २२ कॅरेटसाठी १० ग्रॅम सोन्याची किंमत ८०,८५० रुपये आहे तर २४ कॅरेटसाठी ८८,२०० रुपये आहे. याशिवाय, १० ग्रॅम चांदीची किंमत ९८१ रुपये आहे म्हणजेच चांदी ९८,०८० रुपये प्रति किलोनी विकली जात आहे.
बुलियन मार्केट वेबसाईटनुसार पाहा तुमच्या शहरातील सोन्याचा दर
| शहर | २२ कॅरेट सोन्याचा दर | २४ कॅरेट सोन्याचा दर |
| मुंबई | २२ कॅरेट सोन्याची किंमत प्रति १० ग्रॅम ८०,७०३ रुपये आहे. | २४ कॅरेट सोन्याची किंमत ८८,०४० प्रति १० ग्रॅम आहे. |
| पुणे | प्रति १० ग्रॅम २२ कॅरेट सोन्याचा दर ८०,७०३ रुपये आहे. | २४ कॅरेट सोन्याचा दर ८८,०४० रुपये आहे. |
| नागपूर | प्रति १० ग्रॅम २२ कॅरेट सोन्याचा दर ८०,७०३ रुपये आहे. | २४ कॅरेट सोन्याचा दर ८८,०४० रुपये इतका आहे. |
| नाशिक | प्रति १० ग्रॅम २२ कॅरेट सोन्याचा दर ८०,७०३ रुपये आहे. | ४ कॅरेट सोन्याचा दर ८८,०४० रुपये इतका आहे. |
(वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)
एका महिन्यात सोने इतक्या रुपयांनी महागले
एका महिन्यापूर्वी १० ग्रॅम २४ कॅरेटसाठी सोन्याचा दर ८६,२३० रुपये होता. आज सोन्याचा दर ८८,२०० आहे. म्हणजेच २०३० रुपयांनी सोने महिन्याभरात महागले.
२२ आणि २४ कॅरेटमध्ये काय फरक आहे?
२४ कॅरेट सोने ९९.९% शुद्ध आहे आणि २२ कॅरेट अंदाजे ९१% शुद्ध असतं. २२ कॅरेट सोन्यात तांबे, चांदी, जस्त यांसारख्या ९% इतर धातूंचे मिश्रण करून दागिने तयार केले जातात. २४ कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार २२ कॅरेटमध्ये सोने विकतात.
