तुमचा आवडता हल्दीराम ब्रँड आता नवीन कंपनी खरेदी करण्याची तयारीत

हेही वाचा >>> २०२४ वर्षात गुगलसाठी वाईट बातमी, सीईओ सुंदर पिचाई असं का म्हणाले?

सूत्रांनी दिलेल्या माहितीनुसार, सध्या प्रताप स्नॅक्समधील हिस्सेदारी खरेदी करण्यासंदर्भात बोलणी प्राथमिक टप्प्यावर आहे. अद्याप मूल्यांकनाबाबत चर्चा झालेली नाही. हल्दीरामचा किमान ५१ टक्के अशी हिस्सेदारी खरेदी करण्याचा विचार आहे, मात्र याबाबत अद्याप निश्चित निर्णय झालेला नाही. प्रताप स्नॅक्स त्याच्या ‘यलो डायमंड’ नाममुद्रेच्या चिप्ससाठी ओळखला जातो आणि पेप्सीच्या लेज या नाममुद्रेशी तो स्पर्धा करतो. पीक एक्सव्ही पार्टनर्स, म्हणजेच पूर्वीची सेक्वोया कॅपिटल इंडियाची प्रताप स्नॅक्समध्ये सुमारे ४७ टक्के हिस्सेदारी आहे. तिच्याकडून आता प्रतापमधील संपूर्ण हिस्सेदारी विकण्याबाबत विचार सुरू आहे, असे सूत्रांनी सांगितले.
या घडामोडींबाबत हल्दीरामचे मुख्य कार्यकारी अधिकारी कृष्ण कुमार चुटानी, प्रतापचे मुख्य कार्यकारी अधिकारी अमित कुमात आणि पीक एक्सव्ही यापैकी कोणीही भाष्य करण्यास नकार दिला.