PPF Account Transfer Process : सरकारने निवृत्तीसाठी पैसे साठवणे किंवा गुंतवणूक करण्यासाठी योजनांचे विविध पर्याय उपलब्ध करून दिले आहेत; यामध्ये पब्लिक प्रॉव्हिडेंट फंड या योजनेचासुद्धा (पीपीएफ) समावेश आहे. या योजनेत कर-लाभ, व्याजाचा आकर्षक दर, निश्चित परतावा आणि गुंतवणुकीची सुरक्षा असते. पण, पीपीएफ खात्याचा कालावधी १५ वर्षांचा असतो, त्यामुळे बाजारात उपलब्ध असलेल्या इतर पर्यायांपेक्षा हा कालावधी थोडा आणखीन चांगला वाटतो.

पण, या १५ वर्षांच्या कालावधीत तुमचे खाते सध्याच्या बँकेतून इतर बँकेत नेण्याची गरज, चांगली सेवा न मिळणे, बँकेत जाण्याची अडचण, तुम्ही शहर सोडून जाणार या कारणांमुळे भासू शकते. तर अशावेळी तुम्ही पीपीएफ अकाउंट बँकांमध्ये किंवा पोस्ट ऑफिसमध्ये उघडू शकता. यापैकी कुठेही खाते असल्यास तुम्ही तुमचे खाते एका बँकेतून दुसऱ्या बँकेत किंवा पोस्ट ऑफिसातून बँकेत इतर पोस्ट ऑफिसात ट्रान्सफर करू शकता. तर आता हे नक्की कशाप्रकारे करायचं असा प्रश्न तुमच्याही मनात पडला असेल ना? तर गोंधळून जाऊ नका, आज आपण या बातमीतून याचबद्दल जाणून घेणार आहोत.

पीपीएफ अकाउंट फीचर्स (Features PPF Account)

  • पात्रता : पगारदार आणि स्वयंरोजगार असलेल्या सर्व व्यक्तींसाठी योजना आहे.
  • मिनिमम डिपॉझिट : पीपीएफ खाते उघडण्यासाठी आवश्यक असलेली किमान ठेव ५०० रुपये आहे.
  • मॅक्झिमम डिपॉझिट : कमाल वार्षिक ठेव मर्यादा १.५ लाख रुपये आहे.
  • व्याजदर : ७.१% (आर्थिक वर्ष २०२४-२५ चा चौथा तिमाही)
  • कार्यकाळ : १५ वर्षांचा प्रारंभिक लॉक-इन पिरेड आणखीन ५ वर्षांच्या ब्लॉकमध्ये वाढवता येतो.
  • पैसे काढणे : सातव्या वर्षापासून पैसे काढण्याची परवानगी आहे.
  • पीपीएफवर कर्ज : तिसऱ्या ते सहाव्या आर्थिक वर्षापर्यंत कर्ज सुविधा उपलब्ध आहेत.
  • कर लाभ : कलम ८०सी (80 C) अंतर्गत १.५ पर्यंत कमी.
  • नॉमिनेशन सुविधा : खातेधारकांसाठी नामांकन सुविधा उपलब्ध आहे.
  • ट्रान्स्फर : पीपीएफ खाते एका अधिकृत बँकेतून किंवा पोस्ट ऑफिसमधून दुसऱ्या बँकेत हस्तांतरित केले जाऊ शकते.
  • ऑनलाइन सेवा : काही वित्तीय संस्था पीपीएफ खात्याचे तपशील पाहण्यासाठी आणि व्यवहार करण्यासाठी ऑनलाइन सेवा उपलब्ध करून देतात.
हेही वाचा

पीपीएफ रक्कम कधी, किती वर्षांनी काढता येते (When can we withdraw money from PPF)

  • पीपीएफ योजनेतील रक्कम आर्थिक वर्षात फक्त एकदाच काढता येते.
  • खाते उघडल्याच्या वर्षाचा समावेश वगळून, तुम्ही तुमच्या पीपीएफ खात्यातून ५ वर्षे पूर्ण केल्यानंतर, सातव्या वर्षापासून पैसे काढू शकता.
  • पीपीएफ योजनेतील एकूण शिल्लक रकमेपैकी ५० टक्के रक्कम तुम्ही काढू शकता किंवा योजना सुरू झाल्यानंतर चौथ्या वर्षाअखेर तुमच्याकडे असलेल्या रकमेपैकी ५०% या दोघांपैकी जी रक्कम कमी आहे, तीच काढता येईल.

पीपीएफ अकाउंट कसे ट्रान्सफर करायचे (How To Transfer PPF Account)

  • ज्या बँकेत किंवा पोस्ट ऑफिसमध्ये तुम्ही पीपीएफ खाते उघडले आहे, तिथून तुमचा ट्रान्सफर ॲप्लिकेशन फॉर्म घ्या.
  • ज्या शाखेत तुम्ही अकाउंट ट्रान्सफर करू इच्छिता त्या शाखेचा संपूर्ण पत्ता नमूद करून ट्रान्सफर ॲप्लिकेशन फॉर्म भरा.
  • तुमचा अर्ज मिळाल्यावर सध्याची शाखा ट्रान्सफर प्रक्रिया सुरू करेल.
  • तुमची सध्याची शाखा आवश्यक कागदपत्रे नवीन शाखेत पाठवेल, ज्यामध्ये नॉमिनेशन फॉर्म, पीपीएफ पासबुक, खात्याची प्रमाणित प्रत, स्वाक्षरीचा नमुना, मूळ खाते उघडण्याचा फॉर्म आणि आउटस्टँडिंग बॅलेन्ससाठी चेक यांचा समावेश असेल.
  • त्यामुळे नवीन शाखा तुमच्या कागदपत्रांची पडताळणी करेल.
  • नवीन शाखेत, नवीन पीपीएफ अकाउंट उघडण्याचा फॉर्म आणि इतर आवश्यक कागदपत्रे सादर करा.
  • नवीन शाखेत केवायसी प्रक्रिया पूर्ण करा.
  • संपूर्ण ट्रान्सफर प्रक्रियेला साधारणपणे सुमारे एक महिना लागू शकतो हे लक्षात ठेवा.
हेही वाचा

पब्लिक प्रॉव्हिडेंट फंडच्या मर्यादांचे तोटे (Public Provident Fund Limitation)

  • लॉक-इन पिरेड : पीपीएफमध्ये १५ वर्षांचा लॉक-इन पिरेड असतो; म्हणजेच तुमचे पैसे बंधनकारक असतात आणि वेळेपूर्वी काढता येत नाहीत.
  • ॲन्युअल काँट्रिब्युशन कॅप : तुम्ही तुमच्या पीपीएफ खात्यात दरवर्षी फक्त १.५ लाख रुपयांपर्यंत योगदान देऊ शकता. ही मर्यादा तुम्ही गुंतवू शकता त्या रकमेवर मर्यादा घालते.
  • पार्टीशल विथड्रॉव्हल रिस्ट्रिक्शन : तुम्ही आंशिक पैसे काढू शकता, पण फक्त सहा वर्षे पूर्ण झाल्यानंतरच… यामुळे गरज पडल्यास निधी मिळविण्याची तुमची क्षमता मर्यादित होते.
  • मार्केट लिंक्ड रिटर्न्स : पीपीएफ निश्चित परतावा प्रदान करतो, जो बाजाराशी जोडलेल्या गुंतवणुकीच्या तुलनेत कमी असू शकतो, ज्यामुळे संभाव्य उत्पन्न मर्यादित होतात.