मुंबई : मुंबई शेअर बाजाराचा निर्देशांक सेन्सेक्सने गुरुवारच्या सत्रात ५०० अंशांची कमाई करत ७४,००० अंशांच्या पातळीवर पुन्हा विराजमान झाला. सार्वजनिक क्षेत्रातील बँक आणि धातू क्षेत्रातील कंपन्यांच्या खरेदीमुळे निर्देशकांना बळ मिळाले.

गुरुवारी दिवसअखेर सेन्सेस ४८६.५० अंशांनी वधारून ७४,३३९.४४ पातळीवर स्थिरावला. दिवसभरात तो ७१८.३१ अंशांनी वधारून ७४,५७१.२५ या सत्रातील उच्चांकी पातळीवर पोहोचला होता. दुसरीकडे राष्ट्रीय शेअर बाजाराचा निर्देशांक निफ्टीमध्ये १६७.९५ अंशांची वाढ झाली आणि तो २२,५७०.३५ पातळीवर बंद झाला.

Vodafone
व्होडाफोनकडून इंडस टॉवर्समधील १८ टक्के भागभांडवल १५,३०० कोटींना विक्री
House Prices, House Prices Surge in Major Indian Metro cities, House Prices Surge by 13 percent in indian metro cities,
देशभरात घरे महागली! जाणून घ्या घरांच्या किमती वाढण्याची कारणे…
debt recovery marathi news
कर्जवसुली न्याय प्राधिकरण
india wholesale inflation rate at 15 month high in may 2024
घाऊक महागाई दर १५ महिन्यांच्या उच्चांकी; मे महिन्यात २.६१ टक्क्यांवर; किरकोळ महागाईच्या विपरीत वाट
elon musk apple reuters
“…तर आम्ही iphone सह Apple च्या सर्व उत्पादनांवर बंदी घालू”, एलॉन मस्क यांची धमकी
adani group companies share surge
लोकसभेच्या निकालाआधी अदाणी समूहाचे शेअर्स वधारले; गौतम अदाणी ठरले आशियातील सर्वात श्रीमंत व्यक्ती
stock market updates sensex up 76 points closed at 73961
Stock Market Updates : खरेदी बळावल्याने पाच सत्रातील घसरणीला लगाम ; ‘सेन्सेक्स’ पुन्हा ७४ हजारांच्या उंबरठ्यावर
share market update sensex falls 220 point nifty stable below 22900
निकालाआधी नफावसुलीला प्राधान्य…; ‘सेन्सेक्स’ची २२० अंशांची पीछेहाट

इराण-इस्रायलमधील तणाव कमी झाल्यामुळे आणि अमेरिकेतील मागणी कमकुवत झाल्यामुळे खनिज तेलाच्या किमती कमी झाल्या. निर्मिती आणि सेवा क्षेत्राचा खरेदी व्यवस्थापकांचा कल जोखणाऱ्या सर्वेक्षणावर आधारित (पीएमआय) निर्देशांकातील वाढीमुळे बाजारपेठेत उत्साही वातावरण होते.

हेही वाचा >>>Stock Market Today: जागतिक अनुकूलतेने ‘सेन्सेक्स’ची शतकी दौड

खासगी बँकांवरील रिझर्व्ह बँकेच्या कारवाईच्या बडग्यामुळे गुंतवणूकदारांनी सार्वजनिक क्षेत्रातील बँकांवर (पीएसयू बँका) केंद्रित केले. परिणामी त्यांची कामगिरी चांगली राहिली. गुंतवणूकदारांनी आता कंपन्यांच्या तिमाहीवर लक्ष केंद्रित केले आहे, असे जिओजित फायनान्शियल सर्व्हिसेसचे संशोधन प्रमुख विनोद नायर म्हणाले.

सेन्सेक्समध्ये ॲक्सिस बँकेच्या समभागाने ६ टक्क्यांची झेप घेतली. त्यापाठोपाठ स्टेट बँक, एनटीपीसी, नेस्ले, सन फार्मा, जेएसडब्ल्यू स्टील, आयटीसी, महिंद्र अँड महिंद्र आणि एचसीएल टेक्नॉलॉजीज यांचे समभाग सर्वाधिक तेजीत होते. दुसरीकडे हिंदुस्थान युनिलिव्हर, टायटन, बजाज फायनान्स, मारुती आणि एशियन पेंट्सच्या समभागात घसरण झाली. रिझर्व्ह बँकेने खासगी क्षेत्रातील कोटक महिंद्र बँकेला नवीन क्रेडिट कार्ड आणि ऑनलाइन माध्यमातून नवीन ग्राहकांना समाविष्ट करण्यास प्रतिबंध घातल्याने समभागात १०.५८ टक्क्यांची घसरण झाली. मुंबई शेअर बाजाराच्या आकडेवारीनुसार, परदेशी संस्थागत गुंतवणूकदारांनी (एफआयआय) बुधवारी २,५११.७४ कोटी रुपये मूल्याच्या समभागांची विक्री केली.

बाजार भांडवल ४०४ लाख कोटींच्या शिखरावर

सलग पाच सत्रातील तेजीमुळे गुंतवणूकदारांच्या संपत्तीत ११.२९ लाख कोटी रुपयांची भर पडली आहे. परिणामी मुंबई शेअर बाजारातील सूचिबद्ध कंपन्यांचे एकत्रित बाजार भांडवल ४०४.१८ लाख कोटी रुपयांच्या सर्वोच्च शिखरावर पोहोचले आहे. गेल्या पाच सत्रांमध्ये, सेन्सेक्स १,८५०.४५ अंशांनी म्हणजेच २.५५ टक्क्यांनी वधारला आहे. गेल्या पाच दिवसांत गुंतवणूकदारांची संपत्ती ११,२९,३६३.०१ कोटी रुपयांनी वाढली आहे. परिणामी गुरुवारी बाजार भांडवलाने ४,०४,१८,४११.३२ कोटींच्या विक्रमी उच्चांकाला गाठले.

सेन्सेक्स ७४,३३९.४४ ४८६.५० ( ०.६६)

निफ्टी २२,५७०.३५ १६७.९५ ( ०.७५)

डॉलर ८३.३२ -१

तेल ८८.०७ ०.०६