राजेश रोकडे ‘जीजेसी’चे अध्यक्ष, उपाध्यक्षपदी अविनाश गुप्ता

हेही वाचा : कर्ज उभारणीसाठी राज्यांकडून तिमाहीत चढाओढीने बोली शक्य, उसनवारी ४.७३ लाख कोटींवर जाण्याचा, दरही महागण्याचा अंदाज

जीजेसीच्या २०२५-२६ सालासाठी कार्यकारिणी समितीची निवडणूक नुकतीच डिसेंबरमध्ये पार पडली असून, नवीन निर्वाचित २१ सदस्यीय कार्यकारिणीच्या वर्षारंभी झालेल्या पहिल्या बैठकीत अध्यक्ष व उपाध्यक्षांची निवड करण्यात आली. नवीन अध्यक्ष राजेश रोकडे हे नागपूरमधील १०० वर्षांचा वारसा लाभलेली सराफ पेढी – रोकडे ज्वेलर्सचे संचालक आहेत. याआधी जीजेसीचे उपाध्यक्ष आणि विधि समितीचे निमंत्रक अशा जबाबदाऱ्या त्यांनी सांभाळल्या आहेत. रत्न व दागिन्यांवर वस्तू व सेवा कर, आयात शुल्क, हॉलमार्किंग आणि अनेक गुंतागुंतीच्या विषयात सरकारदरबारी अनुकूल धोरणासाठी पाठपुरावा करण्यात त्यांचे योगदान राहिले आहे. अविनाश गुप्ता हे हैदराबादस्थित ममराज मुसद्दीलाल ज्वेलर्सचे प्रमुख असून, ते या उद्योगातील बड्या घाऊक विक्रेत्यांचे प्रतिनिधित्व करतात. मावळते अध्यक्ष संयम मेहरा यांनी नव्या नेतृत्वाकडून नवनवीन उपक्रम योजून जीजेसीला बळकटी दिली जाईल, असा विश्वास व्यक्त करीत त्यांचे स्वागत केले.