संकटातून बाहेर पडण्यासाठी व्होडाफोन-आयडियाने बनवली नवी योजना, १४००० कोटींचा निधी उभारणार

बँकेचे कर्ज कमी होणार

व्होडाफोन-आयडियामध्ये जवळपास १८ टक्के भागभांडवल असलेली ABG ही प्रवर्तक इक्विटीच्या रूपात गुंतवणूक करण्यासाठी नवीन निधी उभारण्यासाठी परदेशी कर्जदारांशी चर्चा करीत होती. ABG ने सुमारे २५० दशलक्ष डॉलरसाठी परदेशी कर्जदारांशी करार केला आहे, परंतु व्होडाफोन समूहदेखील निधीच्या देवाणघेवाणीत सहभागी होण्याची शक्यता आहे. त्यामुळे त्यांचे बँकेकडे असलेलं कर्ज कमी होणार आहे.

हेही वाचाः टाटा समूहाने वरिष्ठ कर्मचाऱ्यांचा पगार वाढवला; १६ ते ६२% पर्यंत फायदा

निधी उभारण्यास तीन गुंतवणूकदारांशी आगाऊ चर्चा सुरू

Vodafone Idea चे CEO अक्षय मुंद्रा यांनी चौथ्या तिमाहीनंतर सांगितले होते की, कर्जात बुडलेल्या कंपनीसाठी इक्विटी इन्फ्युजनद्वारे वित्त उभारण्यास तीन गुंतवणूकदारांशी आगाऊ चर्चा सुरू आहे. फेब्रुवारीमध्ये केंद्राने प्रवर्तकांकडून आश्वासने आणि इक्विटी इन्फ्युजननंतर व्होडाफोन आयडियाच्या थकबाकी असलेल्या १६,१३३ कोटींचे स्टॉकमध्ये रूपांतर करण्यास मान्यता दिली. Vi ने वचनबद्ध ताज्या इक्विटीच्या बदल्यात घरगुती कर्जदारांकडून २५,००० कोटी रुपयांचे अतिरिक्त कर्ज घेण्याची मागणी केली आहे.

हेही वाचाः स्वतंत्र भारतातील पहिला अब्जाधीश, आजही बँकेत ३ अब्जाहून अधिक रुपये जमा, कोण होते निजाम मीर उस्मान अली खान?

रोख टंचाईचा सामना करावा लागू शकतो

सूत्रांनी दिलेल्या माहितीनुसार, Vi ने आपले बँक कर्ज ४०,००० कोटी रुपयांच्या विक्रमी उच्चांकावरून सध्या सुमारे १२,००० कोटी रुपयांपर्यंत कमी केले आहे आणि कंपनीने कर्जदारांना प्रवर्तकांकडून आधीच झालेल्या इक्विटी इन्फ्युजनच्या अनुषंगाने निधी जारी करण्यास सांगितले आहे. तज्ज्ञांच्या मते, व्होडाफोन आयडियाला आर्थिक वर्ष २०१६ मध्ये २५,००० कोटी रुपयांच्या रोख तुटवड्याचा सामना करावा लागू शकतो आणि ही कमतरता भरून काढण्यासाठी सध्याच्या दरांमध्ये मोठी वाढ करणे आवश्यक आहे. Vi ने फेब्रुवारीमध्ये १.३ दशलक्ष 4G ग्राहक गमावले, जी तोट्यात असलेल्या कंपनीसाठी २१ महिन्यांतील सर्वात मोठी घसरण आहे. ही कमतरता दूर करण्यासाठी 4G पायाभूत सुविधांमध्ये तातडीने गुंतवणूक करणे आवश्यक आहे, जेणेकरून त्या संकटावर मात करण्यास मदत होणार आहे.