व्होडा-आयडियाकडून ‘स्टारलिंक’शी वाटाघाटींचा इन्कार; समभागात साडेपाच टक्क्यांची घसरण

हेही वाचा >>> बिटकॉइनचे मूल्य ४५,००० डॉलरपल्ल्याड; ‘ईटीएफ’ना मंजुरीच्या आशेने दोन वर्षांतील उच्चांकी झेप

स्टारलिंक देशातील दूरसंचार क्षेत्रात पहिल्यांदाच प्रवेश मिळवण्यासाठी व्होडा-आयडियाशी करार करू शकते, अशा वृत्ताने भांडवली बाजारात सोमवारच्या सत्रात व्होडा-आयडियाचा समभाग वधारला होता. स्टारलिंकचा प्रवेश सुकर करण्यासाठी केंद्र सरकार व्होडा-आयडियामधील त्यांचे ३३.१ टक्के भागभांडवल मस्क यांना विकू शकतील, असे वृत्तदेखील पसरले होते. मात्र मुंबई शेअर बाजाराला दिलेल्या निवेदनांत व्होडा-आयडियाने या वृत्ताचे खंडन केल्यानंतर कंपनीचा समभाग मंगळवारी ५.५९ टक्क्यांनी घसरून १६.०५ रुपयांवर स्थिरावला. गेल्या काही सत्रांत शेअरने या वृत्तामुळे १८.४० रुपये ही ५२ आठवड्यांतील उच्चांकी पातळी गाठली होती.