नोकरीची संधी : समुदाय आरोग्य अधिकारी पदे

पात्रता – बीएएमएस/बीयूएमएस/बी.एससी. (नर्सिंग)/बी.एससी. (कम्युनिटी हेल्थ) पदवी. (आयुर्वेद व यूनानी पदवीधारक यांनी ४ नोव्हेंबर २०२५ रोजी किंवा तत्पूर्वी इंटर्नशिप पूर्ण केलेली असावी आणि एनएमसी/एमसीआयएम नोंदणी प्रमाणपत्र अर्जासोबत अपलोड करणे अनिवार्य) (बी.एससी. (नर्सिंग)/बी.एससी. (कम्युनिटी हेल्थ) पदवीधारक यांनी ४ नोव्हेंबर २०२५ रोजी किंवा तत्पूर्वी नर्सिंग काऊन्सिल नोंदणी केलेली असावी व नोंदणी प्रमाणपत्र आणि पदवीचे प्रमाणपत्र अर्जासोबत अपलोड करणे अनिवार्य.)

उमेदवार हा महाराष्ट्र राज्याचा रहिवासी असावा.

वयोमर्यादा – (४ डिसेंबर २०२५ रोजी) खुला प्रवर्ग – ३८ वर्षे; मागासवर्गीय/खेळाडू/अनाथ – ४३ वर्षे; अपंग/प्रकल्पग्रस्त/ भूकंपग्रस्त – ४५ वर्षे; अंशकालीन – ५५ वर्षे.

निवड पद्धती – प्रवेश परीक्षा संगणकावर आधारित वस्तुनिष्ठ बहुपर्यायी स्वरूपाचे १०० प्रश्न प्रत्येकी १ गुण, एकूण १०० गुण, वेळ १२० मिनिटे. चुकीच्या उत्तरासाठी गुण कमी केले जाणार नाहीत. (विषयाचे ज्ञान ६० गुण, सामान्य ज्ञान – २० गुण, एनएचएम प्रोग्राम विषयी – २० गुण) परीक्षेचे माध्यम मराठी आणि इंग्रजी. प्रवेश परीक्षेत पात्रतेसाठी किमान ४५ गुण मिळविणे आवश्यक. प्रवेश परीक्षेची तारीख आणि निकाल https://nhm.maharashtra.gov.in या संकेतस्थळावर प्रसिद्ध केली जाईल.

सहा महिन्यांच्या प्रमाणपत्र प्रशिक्षणा दरम्यान निवडलेल्या उमेदवारांना दरमहा रु. १०,०००/- स्टायपेंड दिले जाईल. प्रशिक्षणानंतर Exit Exam यशस्वीरित्या उत्तीर्ण करणाऱ्या उमेदवारांना समुदाय आरोग्य अधिकारी म्हणून सुरूवातीला ११ महिने आणि २९ दिवसांसाठी नियुक्ती दिली जाईल. (वेतन दरमहा रु. २५,०००/- आणि रु. १५,०००/- कामावर आधारित मोबदला प्रती माह दिला जाईल.) अतिदुर्गम, आदिवासी भागात नियुक्ती दिल्यास रु. १५,०००/- अतिरिक्त कामावर आधारित प्रोत्साहन भत्ता दिला जाईल.

ऑनलाइन अर्ज https://nhm.maharashtra.gov.in या संकेतस्थळावर १४ नोव्हेंबर २०२५ पर्यंत करावेत. (अर्ज भरणे व सादर करणेबाबत आवश्यक सूचना संकेतस्थळावरील जाहिरातीमध्ये परिच्छेद ३ मध्ये उपलब्ध आहेत.)