Success Story : मायलेकाने केली कमाल! दररोज कमावतात ४० हजार रुपये; जाणून घ्या, कोणता व्यवसाय करतात?

हेही वाचा : India Post Payments Bank धारकांनो सावधान! अन्यथा तुमचेही अकाउंट होईल रिकामी; टाळण्यासाठी घ्या ‘ही’ काळजी

कसा सुरू केला व्यवसाय?

२०१८ मध्ये जितूने एका खोलीमध्ये मशरूमचे उत्पादन घेण्यास सुरुवात केली. त्याचा हा पहिला प्रयोग यशस्वी ठरला. इंटरनेटवर त्याने प्लास्टिकच्या बाटलीमध्ये मशरूम उगवण्याची ट्रिक पाहिली होती आणि त्यातून त्याला ही कल्पना सुचली. त्याने मेहनत घेतली आणि त्याचे त्याला फळ मिळाले.
सुरुवातीला यश मिळाल्यानंतर त्याने मशरूमच्या शेतीविषयीची अधिक माहिती जाणून घेतली. त्याने मशरूम ची शेती कशी करावी, या संदर्भात अभ्यासक्रमसुद्धा केला. पुढे त्याच्या या छंदाचे व्यवसायात रूपांतर झाले.
आता जितू एक यशस्वी व्यावसायिक बनला आहे. त्याची आई लीना यांनी ‘लीनाज मशरूम’ नावाची कंपनी स्थापन केली. या कंपनीमध्ये हजारो मशरूमचे बेड आहे. या बेडपासून ते दररोज १०० किलोपेक्षा जास्त मशरूमचे उत्पादन घेतात.

हेही वाचा : Success Story: प्रयत्नांती परमेश्वर! एकेकाळी SP कार्यालयाबाहेरील भाजीविक्रेता आज तेथेच डीएसपी पदावर कार्यरत; वाचा, ‘या’ आयपीएस अधिकाऱ्याची गोष्ट…

मशरूमच्या शेतीचे अनेक फायदे आहेत. ते लवकर उगवते; पण मशरूमची शेती करणे तितकेसे सोपे नाही. मशरूम खूप नाजूक असते. तापमानातील थोडासाही बदल संपूर्ण पीक खराब करू शकते. त्यामुळे ही शेती नेहमी एका विशिष्ट रचनेनुसार केली जाते; ज्यामध्ये साधारणत: ५,००० बेड लावले जातात.

गेल्या काही वर्षांमध्ये भारतात मशरूमची लोकप्रियता खूप वाढली आहे. मशरूमची शेती करून तुम्ही पैसा कमावू शकता. जितूने वयाच्या फक्त १९ व्या वर्षी मशरूमच्या शेतीमध्ये आवड दाखवली आणि मेहनत घेतली. आज आईच्या मदतीने तो मशरूमची शेती करतो. जितू आणि त्याची आई हजारो लोकांसाठी एक प्रेरणास्रोत आहे, जे आयुष्यात काहीतरी नवीन करण्याची इच्छा बाळगतात.