के. सी. महिन्द्रा एज्युकेशन ट्रस्टतर्फे यावर्षी दहावी व बारावी उत्तीर्ण होऊन पॉलिटेक्निकमध्ये पदविका अभ्यासक्रमासाठी प्रवेश घेतलेल्या पात्रताधारक विद्यार्थ्यांकडून महिन्द्रा अखिल भारतीय गुणवत्ता शिष्यवृत्तीसाठी खालीलप्रमाणे अर्ज मागविण्यात येत आहेत. * योजनेचा तपशील - महिन्द्रा अखिल भारतीय गुणवत्ता शिष्यवृत्ती योजनेअंतर्गत पॉलिटेक्निकमध्ये प्रवेश घेणाऱ्या ५०० गरजू व गुणवान विद्यार्थ्यांना त्यांच्या पॉलिटेक्निक अभ्यासक्रमाच्या ३ वर्षे कालावधीसाठी वार्षिक १०,००० रु. ची शैक्षणिक शिष्यवृत्ती दिली जाते. * आवश्यक पात्रता - अर्जदारांनी मान्यताप्राप्त शाळेतून १० वी किंवा १२ वीची परीक्षा ६०% गुणांसह उत्तीर्ण केलेली असावी व त्यांनी पॉलिटेक्निकमधील पदविका अभ्यासक्रमात प्रवेश घेतलेला असावा. * विशेष सूचना - पात्रताधारक अर्जदारांमधून विद्यार्थिनी उमेदवार, कमी मिळकत असणाऱ्या कुटुंबातील अर्जदार, दिव्यांगजन व सैनिकांच्या मुलांना प्राधान्य देण्यात येईल. * अधिक माहिती व तपशिलासाठी संपर्क - योजनेच्या संदर्भात अधिक माहिती व तपशिलासाठी प्रमुख वृत्तपत्रात प्रकाशित झालेली केसी महिन्द्रा ट्रस्टची जाहिरात पाहावी. अथवा महिन्द्रा ट्रस्टच्या kcmet. org/ what-we-do-Scholarship-Grants.aspx या संकेतस्थळाला भेट द्यावी. * अर्ज पाठविण्याचा पत्ता व शेवटची तारीख - विहित नमुन्यातील संपूर्णपणे भरलेले व आवश्यक तो तपशील कागदपत्रांसह असणारे अर्ज के. सी. महिन्द्रा एज्युकेशन ट्रस्ट, सेसिल कोर्ट, ३ रा मजला, रिगल सिनेमाजवळ, महाकवी भूषण मार्ग, मुंबई ४००००१ या पत्त्यावर ५ ऑगस्ट २०१८ पर्यंत पोहोचतील अशा बेताने पाठवावेत. - द. वा. आंबुलकर
