News Flash

ऑक्सिजन सिलेंडर्सच्या काळाबाजार प्रकरणी दिल्लीत दोघांना अटक; ५ सिलेंडर्स जप्त

दिल्लीत सध्या करोनाच्या वाढत्या प्रादुर्भावामुळे ऑक्सिजनचा तुटवडा भासू लागला आहे.

फोटो सौजन्यः एएनआय

ऑक्सिजन सिलेंडर्सचा काळाबाजार केल्याप्रकरणी दिल्ली पोलिसांनी आज पंजाब बाग परिसरातून दोघांना अटक केली आहे. आरोपींची नावं श्रेय ओबेरॉय (३०), विकासपुरी आणि अभिषेक नंदा(३२), शालिमार बाग अशी या दोघांची नावं असल्याचं पोलिसांनी सांगितलं.

पोलिसांनी सांगितलं की ओबेरॉय हा ऑक्सिजन सिलेंडरचा काळाबाजार करत असल्याची माहिती मिळताच पोलिसांनी त्यांना पकडण्याचे प्रयत्न सुरु केले. पोलिसांनी छापा टाकून त्याला अ़टक केली आणि त्याच्याकडून २ ऑक्सिजन सिलेंडर्सही ताब्यात घेतले. ओबेरॉयने पोलिसांना सांगितलं की हे दोन्ही सिलेंडर त्याने प्रत्येकी ३७ हजार रुपयांना विकत घेतले असून तो हे सिलेंडर्स सोशल मीडियाच्या माध्यमातून प्रत्येकी ५० हजाराला विकणार होता.

चौकशीदरम्यान अशी माहिती मिळाली की तो खेळणी ऑनलाईन विकतो. त्याचा सहकारी अभिषेक नंदाकडून त्याने सिलेंडर्स घेतले होते. यानंतर अभिषेकलाही अटक करण्यात आली.या दोघांकडून एकूण ५ सिलेंडर आणि एक गाडी पोलिसांनी ताब्यात घेतली असून अधिक चौकशी सुरु आहे.

देशात सध्या करोना संसर्गाचा विस्फोट झाल्याचे चित्र आहे. दररोज लाखांच्या संख्येत नवीन करोनाबाधित वाढत आहेत. रूग्णांचा मृत्यू संख्येही मोठी भर पडत आहे. परिणामी आरोग्यंत्रणा कोलमडत आहेत. रूग्णालयांमध्ये ऑक्सिजन, व्हेंटिलेटर्स, बेड, रेमडेसिविर व लसींचा तुटवडा निर्माण होत आहे. यामुळे रूग्णांचे हाल होत असून, रूग्णांच्या नातेवाईकांना देखील विविध अडचणींना समोरं जावं लागत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 28, 2021 4:47 pm

Web Title: 2 men arrested for black marketing oxygen cylinders in delhi vsk 98
Next Stories
1 लसीकरण : नोंदणी सुरु झाल्यानंतर काही मिनिटांमध्येच CoWIN चा सर्व्हर क्रॅश
2 RT-PCR रिपोर्ट निगेटिव्ह असेल, तरच मतमोजणी केंद्रात मिळणार प्रवेश; आयोगाचा निर्णय
3 केरळचा पत्रकार सिद्दीक कप्पनला दिल्लीला उपचारासाठी हलवण्याचे सर्वोच्च न्यायालयाचे आदेश
Just Now!
X