News Flash

चकमकीत मारल्या गेलेल्या आरोपींवर गुन्हे

शुक्रवारी पोलिस चकमकीत हे चारही आरोपी मारले गेले होते.

(संग्रहित छायाचित्र)

हैदराबादमधील बलात्कार प्रकरण

हैदराबाद येथे पशुवैद्यक महिलेवर बलात्कार करून तिला जाळणारे चार आरोपी पोलिस चकमकीत मारले गेले असतानाच आता त्यांच्यावर विविध कलमान्वये गुन्हे दाखल करण्यात आले आहेत. त्यांनी चकमकीवेळी पोलिसांवर हल्ले केल्याचा आरोप आहे. दरम्यान आरोपींच्या मृतदेहांवर अंत्यसंस्कारास तेथील न्यायालयाने चार दिवस स्थगिती दिली आहे. आरोपींना न्यायबाह्य़ पद्धतीने ठार करण्यात आल्याची याचिका दाखल करण्यात आली होती त्यावर हा आदेश देण्यात आला.

भादंवि  कलम ३०७ (खुनाचा प्रयत्न), कलम १७६( पूर्वसूचना न देणे), तसेच भारतीय शस्त्रास्त्र कायद्यातील काही कलमे यानुसार गुन्हा दाखल केला असून चकमकीवेळी उपस्थित असलेल्या दहा पोलिसांच्या चमूच्या प्रमुखांनी शुक्रवारी प्राथमिक माहिती अहवाल दाखल केला. दरम्यान, राष्ट्रीय मानवी हक्क आयोगाच्या पथकाने येथे आल्यानंतर चौकशी सुरू केली आहे.

दरम्यान, महबूबनगर जिल्हा सरकारी रुग्णालयात आरोपींचे शवविच्छेदन करून त्याचे चित्रीकरण करण्यात आले. शुक्रवारी पोलिस चकमकीत हे चारही आरोपी मारले गेले होते. घटनास्थळी तपासासाठी नेले असता आरोपींनी पोलिसांवर हल्ला केल्याने गोळीबार करण्यात आला. त्यात आरोपी ठार झाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 8, 2019 12:58 am

Web Title: accused have been charged in the encounter abn 97
Next Stories
1 एच १ बी व्हिसासाठी इलेक्ट्रॉनिक नोंदणी पूर्ण
2 उत्तर प्रदेश सरकारकडून गुन्हेगारांना आश्रय – प्रियंका गांधी
3 अर्थव्यवस्थेला उभारीसाठी आणखी काही उपाय विचाराधीन- सीतारामन
Just Now!
X